› 選擇地區
三藩市
紐約
洛杉磯
其他美國地區
香港 台灣 北美
 
2016年07月11日

【《蘋果》獨家】人人問孝淵
「我手袋冇泡菜!」

【我Q你答問會】人人問港星大家就睇得多,《蘋果動新聞》今次搞搞新意思,首次搵來韓星玩人人問,更獨家邀得上周五在銅鑼灣出席彩妝品牌ABSOLUTE NEW YORK的韓國女團少女時代(少時)成員孝淵做「人人問孝淵」環節。雖然孝淵單拖迎戰港人問題,但超親民的孝淵全程有問必答,即使幾咁怪雞都冇有怕,自認做「辣女」之餘,又唔敢自己讚自己,最搞笑是被問到是否隨身帶住韓國國寶食物「泡菜」時,孝淵即不拘小節自摷手袋證明自己冇泡菜。
採訪:鄒倩婷

相關新聞:【隊友被騷擾】泰妍遭狂迷奪命追魂Call

1. Hing:聽講韓國人出trip會帶泡菜,你有冇帶?可唔可以睇吓你個篋或者手袋有啲咩?

孝淵:我手袋冇泡菜!我成日帶住印咗我名嘅日記,由小學開始寫日記,每過一段時間都會翻睇啲日記,會湧起好多回憶,而且日記又可以記錄回憶,所以好自然養成呢個習慣。除咗日記仲有眼影、胭脂唇膏兩用筆、薄荷糖、香水同聽歌、睇片必備嘅耳筒。

2. Matthew:今次啲相影得好靚,影相時覺得難唔難?

孝淵:謝謝。今次係我個人名義擔任代言人,想騷到最靚一面畀人睇,所以都有負擔感,喺品牌影相嘅前一晚都有特別做保濕護膚。

相關新聞:【女神自摷】少時孝淵揭私密 自摷手袋有啲乜!

3. Connie:少時裏面你同邊個最friend?通常會同邊個send message?

孝淵:唔可以話同邊一個最friend,會睇情況。因為成員眾多,有一齊購物嘅最好朋友,有談心嘅最好朋友,又有食飯嘅最好朋友。成員有一個聊天室,大家會「吱吱喳喳」咁講嘢。

4. Eleanore:你最鍾意自己身體邊一part?

孝淵:有啲怕醜,聽過其他人讚我腳踝同鎖骨靚。

5. 掃興:唔知你平時有冇睇開韓劇呢?可唔可以介紹一齣畀我?

孝淵:我有睇𠵱家播緊嘅《Doctors》(由朴信惠和金來沅主演),亦都可以介紹畀大家。

6. Yvonne:韓國人咁食得辣,作為一個咁靚嘅女仔,你又食唔食得辣呢?

孝淵:我好鍾意食辣嘢,以前唔係好食到,但開始食之後就慢慢越食越辣。而且食辣嘢可以幫我減壓,所以都成日食辣嘢。

7. IVY:少女時代幾時comeback?有咩新image?

孝淵:我知有好多粉絲都等緊我哋團體comeback,但最近各成員都專注喺個人活動上,所以幾時comeback依然係秘密。

8. Joyce:你唱歌同跳舞都咁叻,仲有邊方面想新嘗試或者挑戰?

孝淵:有機會嘅話都想挑戰拍戲,或者多樣化嘅活動。因為係首次挑戰,所以想演同自己性格相似、活潑識搞氣氛嘅角色。

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載