› 選擇地區
三藩市
紐約
洛杉磯
其他美國地區
香港 台灣 北美
 
2016年07月11日

G.E.M.又複製經典? BIGBANG太陽變「受害者」

宇宙巨G.E.M.呢排有新挑戰,繼上次將Beyond首《喜歡你》改編成電音版之後,前日佢再喺YouTube上載咗首新歌《紅薔薇白玫瑰》,仲寫咗簡介話首新歌係改編自BIGBANG成員太陽嘅名曲《EYES,NOSE,LIPS》。

高登天后瓊姐昨日就喺facebook專頁話太陽嘅原曲《EYES,NOSE,LIPS》實在太好聽,就算G.E.M.將首歌改成點,都冇想像中咁差,點改都仲有個譜。有網民喺留言狂鬧G.E.M.「連歌名都改得老套過人,不如叫路邊野花不要採啦。」但唔係每個人都咁偏激,有人就幫手解圍話「其實真心覺得唔差,唔明點解啲人一定要加啲偏見落去,我覺得聽歌還聽歌唔駛加咁多嘢嚟局限住先,啱聽未聽多幾次唔啱聽未由佢囉。」

咁究竟G.E.M.今次首歌有幾出事呢?首新歌一開始聽落都仲好正常,不過去到中段啲電音編曲就開始嚟料,變得好似簡介咁講,好「迷幻」!當然G.E.M.嘅歌總要有一兩段X叫位,今次佢就將原本太陽其中一句「呀~呀~呀」,就硬係要拉得更長變成G.E.M.嘅「呀~呀~呀」X3。G.E.M.要喺人哋首歌夾硬加啲個人特式,唔怪之有人留言叫G.E.M.「唔好強姦taeyang隻歌,越嚟越無新意,一味抄抄抄。」

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載