› 選擇地區
三藩市
紐約
洛杉磯
其他美國地區
香港 台灣 北美
 
2016年07月14日

傳逼婚不遂 張振朗獻殷勤
陳瀅猷亨陷冷靜期

賭王何鴻燊與四太梁安琪所生的長子何猷亨,去年戀上大台小花、「宅男女神」陳瀅,二人相戀半年多,起初熱戀甜蜜蜜,陳瀅得到四太開綠燈融入家中,更獲加持齊齊去睇麥當娜演唱會,有望做賭王新抱仔。不過近月已沒見二人糖黐豆拍拖,昨日有報道指猷亨兩個月前已主動跟陳瀅分手,女方力挽狂瀾想箍煲但不果。近日更有指她與大台藝人張振朗因拍劇合演夫婦而熟絡,張振朗雖已有女友,但知道陳瀅甩拖即獻殷勤,撐枱腳食早餐又送消夜。
有指分手原因是26歲的陳瀅與細她3歲的猷亨拍了拖幾個月,已主動逼婚,又愛管男友,皆因她來自破碎家庭,她疼錫的外婆年紀大,故想早點結婚組織家庭生B。而猷亨忙於打理家族生意,經常澳門及香港周圍飛,故二人已確實進入冷靜期,而陳瀅亦努力箍煲中

屋企人最緊要

問到分手一事,身在加拿大的陳瀅昨日透過經理人以短訊回應:「我嘅感情事就唔係好像報道一樣咁講,只係想低調點,可能因為我少提到感情令大家有揣測,而現時我們都處於工作搏殺期,大家都是成年人有共識專注工作, 我𠵱家喺加拿大的婆婆身體都有少少好轉,我覺得現時最重要的係屋企人。」本報昨日曾致電猷亨,他表示忙開會,截稿前未有回覆。

讚拍檔有風度

另外,陳瀅表示與張振朗只是同事關係,大讚他gentleman及好拍檔,而張振朗亦否認追對方:「吓?唔係,唔好玩啦!」問他是否拍完劇依然以老公老婆相稱,他說:「我未睇新聞,睇咗先講啦!」
採訪:唐心悠

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載