› 選擇地區
三藩市
紐約
洛杉磯
其他美國地區
香港 台灣 北美
 
2016年07月17日

【書展專題】網絡女神殺入書展
杜小喬Pure戰肉彈

杜小喬首次推出相集,笑稱性感與自己大纜扯唔埋。攝影:沈健程

【香港書展2O16】書展將於本周三在會展開鑼,除了35E導彈莊端兒等性感寫真爭客外,網絡女神「娘娘」杜小喬、毛記主播盤菜瑩子和專家Dickson都加入書展戰,用文字和相集洗滌大家心靈。
撰文:余燕儀

相關新聞:莊端兒賣性感高貴

因被「熊仔頭」邀拍片《男人有話兒2》紅遍網絡,成為高登女神的26歲「娘娘」杜小喬,推出處女相集《Little Bridge》,日前她在觀塘接受專訪,問到是否覺得自己靚女所以出相集?小喬說:「我啲相因為冇乜執樣,所以好多瑕疵,我覺得攝影師最叻,將一個好似我咁又唔係真係好靚,普普通通嘅女仔,影到個feel懶有仙氣。」

被笑似LETV

小喬坦言相集零性感:「賣點係乜都冇露,有輯相喺室內影,係女攝影師,我先夠膽着短褲,高登形容我係LETV──冇波睇,我覺得好開心,睇我嘅人expect咗有乜得到,唔係身材唔係事業線亦唔係長腿,係一個feel。」
問到現在有否男友?她坦言:「冇,好想要!條件係孝順得嚟要好錫女朋友,大家溝通得到,自己係雙子座有時講嘢太跳tone,如果嗰個人接到你嘅波,呢個係外在條件。」游學修和劉鳴煒兩個package,鍾意哪個?她說:「如果真係要揀,我諗我會揀個認識嘅人──游學修,純粹因為我識佢。」

相關新聞:盤菜瑩子東京被博懵

對於有傳收兵無數,小喬說:「兵嚟講係傳聞,杜小喬喺人哋眼中係娘娘,但我實際上係宅女,13歲開始拍拖,拍過兩次啫,一個10年以上,一個識咗8年,佢哋都話識咗我咁耐,但好多嘢唔知!好期待有一個人,可以令我將所有嘢話畀佢知!」
場地:THE WAVE

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載