蘋果日報 | APPLE DAILY
› 選擇地區
三藩市
紐約
洛杉磯
其他美國地區
2016年07月25日

老公揸媾女戰車接載
伍姑娘降服練海棠:永遠罰吓佢

54,310

【香港書展2O16】伍詠薇的老公練海棠上月被爆背妻偷食,事件無損夫妻關係,上月底兩人到三亞度假,他們昨午原本拍拖入灣仔書展,大撐伍姑娘胞兄伍經衡(Richard)推出的DSE英文卷,可是練海棠臨時甩底,只有伍姑娘單拖現身。直至活動後,練海棠化身柴可夫,駕駛他上月被周刊拍到的媾女白色七人車往接回老婆,大晒恩愛。

貼谷胸攬貓床照

現年47歲伍姑娘,昨穿上白恤衫配牛仔褲和高踭鞋,打扮青春出現書展,問到練海棠為何突然缺席?她護夫解畫:「司機今日放假,老公負責揸車,因為下面塞緊車,又有遊行,所以佢都係唔上嚟。」伍姑娘自爆近日仍懲罰老公,她風騷說:「男人最好永遠都罰吓佢。」上月底不是已結伴甜蜜到三亞享受陽光與海灘嗎?伍姑娘回味:「係好sweet,個旅行一早安排。」
伍姑娘前晚在facebook貼出疑似真空攬貓的床照,與愛貓咀嘴外,側身躺在床上時谷出事業線,她說:「你點知呀?你哋班狗賊吖!其實冇乜特別,我喺屋企游水,咁貓好少肯影相,好難得,我咪叫助手立即影,我有浴巾圍住,有着衫㗎!」當時她似獨守空房,為何未見老公練海棠?伍姑娘講笑話:「我使咗佢落樓下買外賣畀我哋食。」

自讚遺傳開心底

伍姑娘笑言朋友好奇她是否有意出寫真,她表示暫沒此意,問老公是否不批准?伍姑娘睩大眼反問:「乜嘢唔畀呀?個個都話我keep得好,我哋伍氏(指伍氏兄妹)遺傳咗開心底。」伍姑娘已收服老公,她即借身邊胞兄Richard作擋箭牌,示意記者不可欺負她,記者轉問Richard可有在事後向練海棠訓話?Richard答:「冇嘢啦,人生有好多事,呢啲其實冇乜嘢。」伍姑娘再搭嘴:「人生咁多事,呢啲好少事,其實冇乜事發生,點叫雨過天晴呢,連續9日天氣咁,都融化咗。」活動後,伍姑娘和胞兄Richard一齊行到灣仔君悅酒店,原來練海棠駕駛白色保母車來接老婆,臨上車前,兩夫妻十指緊扣讓記者拍照。
採訪:張俊銘
攝影:陳慧安

娛聞樂陪你走遍全球追星,即Like「娛果」FB 專頁!
返回最頂
香港 台灣 私隱聲明 服務條款 刊登廣告 聯絡我們 招聘 訂閱版: 飲食男女|    Ketchup|    壹週刊
© 2017 AD Internet Limited. All rights reserved. 版權所有 不得轉載