› 選擇地區
三藩市
紐約
洛杉磯
其他美國地區
香港 台灣 北美
 
2016年07月27日

李亞男熱褲騷長腿
祖藍生唇瘡變心型嘴

王祖藍近年返咗大陸奔跑吧,跑跑吓就喺大陸撈得唔錯,仲帶挈埋老婆李亞男一齊返大陸出騷,唔使喺大台捱騾仔,李亞男更過住少奶奶嘅生活,一時約圈中「處女黨」好姊妹岑麗香、王君馨及苟芸慧等,出嚟飯聚,再唔係就去探祖藍班,又或者去旅行鬆吓,生活夠晒寫意!

未知係唔係祖藍工作辛苦,休息唔夠定係抵抗力差云云,祖藍昨早在微博忽然貼咗兩張嘴唇相,奉勸大家慎入,留言:「(不要打開)我的嘴唇,是神聖不可潰瘍的!我想笑但是笑不出來,等到思念傷害,厚嘴唇,潰瘍太利害。」

查實王祖藍本來個唇已經夠厚,加上生唇瘡,就令嘴唇更加厚,似足梁朝偉喺電影《射鵰英雄傳之東成西就》嘅look,一雙「孖潤腸」……唔少網民都覺得好噁心,稱「遠看是紅腸 近看是嘴唇」、「別和你老婆接吻」及「小藍藍,你的嘴唇腫成了一個愛心」。

而喺差唔多時間,老婆李亞男都更新咗微博,身穿黑色小背心配熱褲嘅李亞男大晒收到大陸某品牌嘅波鞋,仲有晒土豪口吻講呢對鞋係「純金限量款鞋扣」,李亞男仲拎咗個鞋扣做頸鏈……自稱緊貼「最新時尚風潮」……hahahaha!

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載