› 選擇地區
三藩市
紐約
洛杉磯
其他美國地區
香港 台灣 北美
 
2016年07月28日

伍姑娘安全理由鏟走助手App
Pokémon GO搶客 收視票房下跌

人人潮玩Pokémon GO,搶捉精靈,各區鬧巿街頭聚集了不少精靈訓練員,令電視收視和電影票房同樣受影響,遊戲大前日登陸香港,無綫同日播出劇集《愛.回家之八時入席》平均收視得23.1點,較上周跌了0.7點,流失約4.5萬觀眾。前日跌幅更勁,《東張西望》平均收視得18點,對比上周跌1.6點,流失約10.3萬觀眾,而《愛.回家》跌幅達2.5點,流失約16.2萬觀眾!

《完美叛侶》亦連續錄得跌幅,平均收視22點,跌2點,流失近13萬觀眾。《一屋老友記》前晚平均收視了1.5點,流失約9.7萬觀眾,《魔王之王》前晚平均收視得19.6點,跌了0.3點,流失1.9萬觀眾。

流失142萬票房

入場看戲觀眾都明顯減少,入場人次前日只有62,353人,票房得約414萬港元,相比起上周二的85,255人次、約556萬港元票房,少了約142萬港元票房。有指Pokémon GO效應搶去票房,戲院商會副主席崔顯威昨在電話訪問中說:「我哋未實際了解,不過我睇番嗰數係跌咗,你咁講會有可能,呢兩日大家都低頭,呢個熱潮有影響。」他並相信可能會持續一段日子。

連伍詠薇前晚都在facebook直播,要女助手妹頭即時鏟走手機上的Pokémon GO app,片中助手笑言:「我永遠唔會再玩,好明顯我波士吸引啲,我捕獲佢。」主僕同心做抽水騷,伍姑娘昨日接受電話訪問時說:「噚晚我親手主持按動delete儀式,助手要勤力返工,佢頭耷耷眼濕濕,同我過馬路撞死咗到時點算,我個助手自願delete,佢話唔想玩,玩咗一次都冇興趣。」
伍姑娘老公練海棠日前獨自坐白色媾女戰車到數碼港超巿買餸,住家男上身挑選調味料、扒類和海鮮,問到可是下廚𠱁老婆?他說:「使乜𠱁㗎,唔使𠱁!飯就日日都要食㗎啦!」
採訪、攝影:徐錦池、吳耀輝、李森、陳杰

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載