› 選擇地區
三藩市
紐約
洛杉磯
其他美國地區
香港 台灣 北美
 
2016年07月28日

吳若希愛得高調
Alex港澳來回人肉速遞

24歲吳若希同澳門有米男友何兆鴻(Alex)愛得高調,拍拖5個月,被影到同遊泰國,二人仲晒情侶裝公開戀情,雖然之前有傳Alex同前度Toby仲有啲手尾,吳若希亦講過唔介意男友嘅過去,冇耐佢哋又再喺Instagram晒幸福,原來佢哋去咗峇里歎二人世界,一對小情侶唔單止拖手晒恩愛,仲無聊到擺相同pose鬥晒長腿,上周六返港,吳若希同Alex仲特登揸車去元朗食糖水,再一齊女方香閨。

今日有周刊指,吳若希現時熱戀ing,當時要抽多啲時間陪住男友,早前先做司機載Alex去數碼港睇《寒戰II》,入場前,二人去咗買嘢食,吳若希亦好小鳥依人挨向男友,成程十指緊扣。

據知情者向報道講Alex之前專心搞生意,不過自從同吳若希一齊之後,佢就放心交啲工作畀其他人打理,不時由澳門過香港搵吳若希,知女友唔使開工,即增取時間見面,仲同女友出遊輕鬆吓

報道又指,吳若希對戀情幾認真,覺得男友Alex外形同家底唔錯,之前亦傳佢哋搵過相士睇,二人八字都幾夾,好有機會拉埋天窗,難怪盛傳吳若希約滿想嫁人mark住Alex喇!

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載