› 選擇地區
三藩市
紐約
洛杉磯
其他美國地區
香港 台灣 北美
 
2016年08月13日

《星戰外傳》預告霸氣講對白
子丹掃低白兵 「我不畏懼」

星戰迷一直留意的新片《俠盜一號:星球大戰外傳》(Rogue One:A Star Wars Story),昨日推出新預告,除有英國女星菲莉絲迪鍾斯(Felicity Jones)擔正,還有「宇宙最強」甄子丹與內地影帝姜文加入,約兩分鐘預告片中,子丹和姜文都有對白,此片將於12月15日在港上映。

姜文抗帝國軍

演盲俠Chirrut Imwe的子丹,雖不是絕地武士,但他相信原力,預告片中型爆說:「I fear nothing, all is as the force willed.(我不畏懼,所有事都是原力的意願)」之後他葉問上身,一個打十個,用棍掃低幾個白兵。姜文飾演的Baze Malbus也有對白:「They destroy our home, I fight the Empire now.(他們摧毀了我們的家園,我現在對抗帝國軍)」黑武士的背影亦在預告尾出現。

演盲俠新挑戰

子丹表示演盲俠是新挑戰,他昨日在電話中說:「從未演過盲俠,戴咗嗰副隱型眼鏡幾乎睇唔到,又要打。人物經常講嘅對白有《星戰》精神,成個電影世界,講時必須有氣場,又唔可以似念經咁,角色要演得有型啲,我係戲中華人演員,要爭氣啲,有一定壓力,希望顯示到我哋都係有份量。」片中打戲不及《葉問》多,所以子丹謂拍《葉問》較辛苦。
此外,子丹妻子汪詩詩昨在銅鑼灣出席活動,透露早前與子女到英國陪子丹為《星戰外傳》補戲:「囝囝好興奮,見到特技佈景嚇呆,現場仲表演爹哋角色嘅動作畀導演睇。」詩詩昨看了預告片:「睇到毛管戙,由細睇《星戰》大,見到佢參與好奇怪,聽到音樂起已經幾proud。」
採訪、攝影:陳杰、羅慧敏、丁焯敏

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載