› 選擇地區
三藩市
紐約
洛杉磯
其他美國地區
香港 台灣 北美
 
2016年08月13日

01年港姐亞軍 羨慕楊思琦襟撈
鍾沛枝退隱賣燒味

現年34歲、01年港姐亞軍鍾沛枝,自從07年離開無綫後,恍如失蹤人口,在娛樂圈銷聲匿迹,之後做過國泰地勤、公關及美容等工作。退隱娛圈9年,鍾沛枝日前被拍到與拍拖3年的澳洲籍男友藍先生在中環置地行街;沛枝透露半年前已辭工,暫時幫屋企打理燒味飯店,但未準備嫁人,她笑說:「可能我未ready有小朋友,想咁樣單身,都幾自在。」

相關新聞:【星運平平】主持《都市閒情》突暈倒送院

台灣《自由時報》日前有報道題為「人前風光 人後哀傷 那些年沒那麼幸運的港姐」,被指貌似朱千雪的01年港姐亞軍鍾沛枝榜上有名;另網上有篇文題為「落魄港姐轉當航空公司地勤」也是說鍾沛枝。在無綫默默耕耘7年,仍寂寂無聞,07年決意不當藝人,轉職做國泰地勤,現在閒時幫家人打理燒味飯店。

拖富男友行置地

日前下午3時許,本報記者拍到穿上藍色連身褲的鍾沛枝,與同穿藍色衫的男子在中環置地廣場行街,兩人沿途有傾有講,大部份時間都是window shopping,之後便乘港鐵離開。據悉該男子是鍾沛枝的男朋友,經常都會在沛枝的微博孖公仔般出現。事後記者致電沛枝,她透露男友姓藍,是澳洲華僑,屋企做生意;近年男友為她留港並自立門戶賣紅酒,沛枝笑說:「拍咗拖3年幾,佢好人嚟嘅……對比之前男朋友。佢唔算高大,但OK啦,我唔好着高踭鞋囉。」覓得筍盤,到問幾時結婚?她說:「佢有計劃,但有小朋友要犧牲好多嘢,可能我未ready,過多幾年啦。」
盛傳當年沛枝做國泰地勤,底薪僅得7,000元,她說:「當年喺TVB人工,做港姐啲騷亦比一般藝人高,算幾好彩。」沛枝自爆當年決意離開的真相,她解釋:「我臨走嗰年啱啱係收費台開,我都有四、五個節目做,最尾嗰年仲爆騷,但自己想做翡翠台。因為收費台做咗又冇乜人知,嗰陣諗住又後生,就去咗國泰,仲拍得多咗廣告𠻹。」同屆港姐冠軍楊思琦和季軍朱凱婷(Heidi),星運似乎都好過沛枝,她謂:「嗰陣見思琦有得去免費台都幾羨慕,但大家嘅路唔同,冇得妒忌。當時好收埋自己,好唔主動,咁Heidi可能比較叻,比較social。」

相關新聞:【空姐選美】趙雅芝做過日航空姐

「我鍾意做主持」

回想當初,鍾沛枝都覺得有點可惜,做了四年國泰地勤,輾轉又做過幾間美容公司公關,又開班教美容,半年前覺得是時候轉變,毅然辭工回復自由身,閒時幫家人打理燒味飯店,她說:「被影到嗰日我都係去完上環屋企開嘅燒味店,再落番中環,但我都係lunch time落去收吓錢,其他時間都唔會喺到。」問有沒有興趣重返幕前?她爽快回答:「會呀!其實我鍾意做主持㗎!我覺得自己好鍾意講嘢囉。識中、英、普通話,兩文三語都OK㗎!」
採訪:嵐山
攝影:羅德光

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載