› 選擇地區
三藩市
紐約
洛杉磯
其他美國地區
香港 台灣 北美
 
2016年08月13日

奇特背景的港姐們
林敏俐係《龍虎豹》始創人千金

每年有港姐選舉,好多佳麗選完就「蒸發」咗,不過提起佢哋,觀眾又可能有啲印象噃!!!

相關新聞:【星運平平】主持《都市閒情》突暈倒送院

1975年冠軍張瑪莉

張瑪莉(Mary姐)童年時被父母遺棄,曾在街上流連,其後有心人送進保良局,參選嗰陣,曾喺尼日利亞領事館工作,卸任後曾在無綫、麗的及佳視發展,拍過經典劇《鱷魚淚》及《天蠶變》等,唱過經典歌《明星》,之後嫁咗畀李小龍哥哥李忠琛,育有一子。

1980年亞軍陳鳳芝

陳鳳芝(Julia)未參選時已係「幫辦級警花」,臨門屈居亞軍,加冕儀式後陳鳳芝並冇吻賀戴月娥,只係握手恭賀,當時被指小器。其後陳鳳芝拍過《女子監獄》做巴辣獄長,又唱過亞視劇《101拘捕令》主題曲。

相關新聞:【空姐選美】趙雅芝做過日航空姐

1981年冠軍羅佩芝

羅佩芝(Doris)係首位被除名港姐,代表香港去紐約參加環球小姐嗰陣,有三藩市讀者爆料指,羅佩芝參選港姐報稱22歲,但1978年參加玫瑰皇后選舉時,已年滿23歲,無綫經過考慮後,決定取消其冠軍資格,由亞軍勞錦嫦頂上。

1992年同屆入選姊妹花——李玟家姐

歌星李玟兩位家姐曾參加同一屆港姐選舉,李玟大家姐李秋林(Carol)與妹妹李思琳(Nancy)同時入選,李秋林獲最受佳麗歡迎獎,成為港姐史上唯一同屆入選姊妹花,於決賽表現落力,但最終五強不入。

2002年冠軍林敏俐

林敏俐(Tiffany)來自三藩市,爸爸係著名成人雜誌《龍虎豹》始創人林國光,有傳其參加港姐係爸爸遺願,2003年代表香港參加國際華裔小姐獲亞軍,曾獲TVB重用,拍過劇兼做主持,後來返三藩市繼續學業。

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載