› 選擇地區
三藩市
紐約
洛杉磯
其他美國地區
香港 台灣 北美
 
2016年08月18日

【爆相爆片】靚爆姊妹團9.9陪出嫁
張名雅叉腰掃家品 孕味濃

前港姐張名雅(Carat)和未婚夫律師蔡錦豪(Joe)下月9日結婚,喻意「長長久久」,一對新人將會在尖沙嘴洲際酒店筵開30多席,早前張名雅邀請姊妹和兄弟團飯聚,姊妹團名單包括陳庭欣、何傲兒、唐貝詩、《體育世界》前主持李靄璣、何佩珉、譚凱琪,還有張名雅圈外朋友Kelly、Angela和Vivian。

不怕被搶鏡

姊妹團中有部份是張名雅在加拿大認識10多年的朋友,亦有圈中好友,全部都是索女,問她找來靚爆姊妹團不怕被搶鏡嗎?張名雅回覆傳媒說:「我哋啲兄弟姊妹一定有番咁上下,最緊要係大家都靚,只不過大家都話結婚嗰日,新郎哥新娘子一定會係最靚嘅,主角嘛,都冇話搶唔搶,都唔擔心呢樣嘢嘅。」
本報收到讀者Winnie透過《蘋果》「爆相爆片」,表示上周五見到張名雅一個人在沙田的大型日式百貨公司看家品。

平底鞋出巡

現場所見,素顏的張名雅戴上黑框眼鏡,穿背心牛仔褲,外披一件黑色外套,打扮樸素看似一個學生妹。張名雅當日穿上平底鞋,做出叉腰的動作,早前有報道指她因為懷孕,所以拍拖半年急急和男友成婚。
張名雅回覆傳媒說:「嗰日難得放假冇化妝出去,等皮膚休息吓,睇吓有冇嘢啱新屋,竟然咁橋俾人見到。」對於被指是雙喜臨門,張名雅曾說過是因為愛而結婚,記者再追問是否雙喜臨門?她笑說:「呢條問題都答過啦,唔答喇,哈哈!」之後續說:「有心任何嘢都做到嘅,睇上天安排啦,哈哈哈!」
採訪:非非、唐心悠

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載