› 選擇地區
三藩市
紐約
洛杉磯
其他美國地區
香港 台灣 北美
 
2016年08月19日

老公陳子聰腸胃病好轉
超儀展笑容 「安心晒」

何超儀老公陳子聰早前腹脹兼暴瘦,傳出因肝問題秘密入港安醫院,惟最近已轉到瑪麗醫院留醫。據本報收到最新消息,其實陳子聰是腸問題入院,日前已做腸胃手術,且精神狀況不錯,現在可吃流質食物,超儀終於放下心頭大石,昨日到醫院探老公時露出笑容,並在微博透露老公因腸胃不適需住院治理。

為老公下廚

昨午約12時,超儀在外籍保鑣陪同下現身瑪麗醫院,化行妝的她明顯有心理準備面對傳媒,滿面笑容說:「冇事㗎,唔使擔心,冇乜嘢,好番,已經治療好咗,𠵱家休養緊,畀啲空間佢休息吓。」問到子聰幾時出院?她說:「未講,畀啲時間佢療養吓,我𠵱家攞嚟畀佢食。」
超儀坦言已停工照顧老公:「𠵱家安心晒,所以大家都放心。」問到子聰有否做手術?她沒正面回應:「冇事啦,休養緊。」約個多小時後,超儀笑着離去,她說:「佢(陳子聰)幾好胃口,精神好多,好番好多,返去要研究吓煮乜嘢食,佢好開胃,又有笑,佢𠵱家最想食嘢。」

提早去探病

大約下午5時45分,超儀跟外籍保鑣在深切治療部門外等候,因探病時間為6時,超儀戴口罩篤手機等夠鐘,保鑣見到傳媒即攔阻,超儀提早5分鐘進入病房,保鑣則在門外把守。
此外,好友徐濠縈昨在銅鑼灣出席活動,她說:「做朋友嘅有時間都會探,精神上支持吓,佢身體OK,放心啦,其實超儀都要照顧吓囉,我哋全部一齊瘦呀。」有傳阿徐老公陳奕迅介紹肝臟移植專家盧寵茂給子聰,阿徐說:「等超儀答啦,我哋作為側邊人唔答咁多,𠵱家情況好番好多,希望佢快啲好番,等佢出嚟。」
採訪:馬建華、羅慧敏
攝影:陳志嵐

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載