› 選擇地區
三藩市
紐約
洛杉磯
其他美國地區
香港 台灣 北美
 
2016年08月25日

真拍拖假分手 何傲兒13啜周子揚都未Ready

今年34歲、擁33C豐滿身材嘅宅男女神孫慧雪,之前就聲稱自己dry足半冇拖拍,但上月被踢爆同有米男友Edwin Lo未斬纜,係假分手,佢哋仲喺西灣河嘉亨灣共賦同居。

其實過往都有好多藝人,都因為擔心戀情而拖累事業,當戀情曝光時,唯有假扮分手,轉為地下情,繼續拍拖拖!

莊端兒 張致恒
35E嘅「咪神」莊端兒(Xenia),今年4月就有傳Xenia,因為保事業,而急撇男友張致恒( Steven ),當時女方接受《蘋果》訪問時就話:「你哋問番工作啦。唔想提感情事,係朋友啦。」但今個月佢哋就俾傳媒影到佢哋係銅鑼灣拍拖。

何傲兒 周子揚
前年,傲兒BB同周子揚被《蘋果》影到佢哋連咀13啖,之後何傲兒隨即宣佈分手,理由係自己未ready。但事隔一個月,兩人就俾讀者影到佢哋一齊去首爾旅行,可惜最後呢段戀情都唔能夠維持落去,今年年初,男方就公開話佢哋真係分咗手,原因涉及銀錢轇轕,最後仲傲兒BB要發律師信俾周子揚添!

朱慧敏 彭懷安(Eddie)
35歲嘅朱慧敏原本就打算同前組合EO2成員彭懷安(Eddie)結婚,可惜Eddie就花弗到死,成日被未婚妻發現偷食,去年朱慧敏就話死心,要同佢取消婚約,但Eddie去年整親手,朱慧敏就悉心照顧佢,同煲湯俾佢飲,Eddie就話佢哋冇講過分手喎,但朱慧敏就堅稱對方係生意伙伴囉!

Janice Man(文詠珊)李冠鋒
Janice Man入行時,已經有個有錢男友李冠鋒,佢哋喺12年就話分手,之但係分手後就不斷咁影到佢哋低調睇戲、行街,一直就傳佢假分手,去年李冠鋒終於就同JM分手,仲同o靚模郭穎兒(Celia K.),今個月佢哋仲閃埋婚添!

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載