› 選擇地區
三藩市
紐約
洛杉磯
其他美國地區
香港 台灣 北美
 
2016年08月25日

王宗堯舊愛Christy 翻撻楊受成細仔

男神王宗堯細佢15年嘅o靚模Christy(黎紀君)拍拖唔夠一年就分手,男神就好快咁搵到第二個,之前就俾《蘋果》影到佢同蔡潔去數碼港玩放飛機,好快咁就投入第二段戀情。而Christy都唔執輸,昨日有周刊報道話佢翻撻楊受成細仔楊政龍,仲話佢哋好肉繄到喺街到狂啜添!

Christy同王宗堯分手,男方堅稱冇第三者,但報道引述知情人士話,原來Christy一直對舊愛楊政龍未能忘情,話佢哋分開翻撻又再分開,同王宗堯之前,已經兩離兩合,今次係第三次喇!咁都唔出奇嘅,楊政龍係市值150億英皇集團楊受成嘅細仔,呢啲鑽石富二代,當然多女埋身啦,好似之前就有楊秀惠,之前就有講過話楊秀惠趁開工空檔,山長水遠咁去楊政龍淺水灣嘅屋企啦。

雖然今次Christy同楊政龍已經係第三次復合,但佢哋依然愛得癡纏,日前周刊就影到楊政龍揸住佢架戰車送Christy去到跑馬地轉的士,當時Christy唔知乜事就扁晒嘴,楊政龍就好肉緊咁攬住女友錫佢幾啖,Christy先肯乖乖上車離開。對於Christy同楊政龍三離三合,前度王宗堯就話略知佢哋拍過拖,仲話相信佢哋係前緣未了,所以先會喺番埋一齊喎!

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載