蘋果日報 | APPLE DAILY
› 選擇地區
三藩市
紐約
洛杉磯
其他美國地區
2016年08月26日
馬上成為壹會員

有冇「消費別人」睇戲搵答案
游學修 阿澤撐《點五步》

游學修在社交網貼相留言,用行動支持《點五步》台前幕後。互聯網圖片

新晉導演陳志發的電影《點五步》昨日上映,上映前夕有人在網上指控《點》片利用浸大學生為廉價勞工,更指「行內已經有不少人在打主意,原來可以找浸大學生不付錢拍電影」云云,但一班《點》片工作人員出來澄清,發聲明表示是自願無償工作,更有人在高登網影視台開post貼出各人的聲明。

直言睇到喊

影圈中人連日在網上力撐《點》片,杜汶澤昨日身體力行買飛入場,他在facebook以「贏就一齊贏!輸就一齊輸,《點五步》!XXXX勁呀!啱啱睇完𠵱家個人仲好亢奮,可能我個人比較感性啦,我有喊囉,所有人都演得好好,唔係講棒球,而係講人生嘅一部勵志片,本土電影萬歲,好X感動。」他以WhatsApp回覆表示:「所有演員都做得咁好,用咁少錢拍得咁好,令我覺得作為本土電影製作人,見到曙光。唔係好似杜汶澤咁拍埋啲三級片呀,或者標榜本土又毫無意義電影。」

碌盡人情卡

游學修前日亦表態支持「我相信電影會Speak for Itself。創作人是否黑心、消費別人、惡俗、求其,電影本身會告訴你的。」邵仲衡亦說:「開工時相信大家講得好清楚。唔好咁吖,人哋過完一關又一關,上映到口碑又好……後生仔幫人幫到底,唔好𠵱家見人有啲成績出嚟講啲咁嘅嘢,唔好話唔好聽,呢啲叫冇出色。」
另外,義務替《點》片歌曲填詞、《狂舞派》監製陳心遙除力撐外,同時直線抽擊政府的首輪劇情片計劃,他認為「政府好似好豪咁出200萬」資助《點》片拍攝是一個笑話,因政府請金牌運動員亦花費700萬,200萬拍片的代價是監製要碌盡半世電影圈的人情卡。
採訪:何永寧

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載