› 選擇地區
三藩市
紐約
洛杉磯
其他美國地區
香港 台灣 北美
 
2016年08月27日

巴西俾蚊針 返港唔得閒驗寨卡
麥明詩:唔咬都咬咗

香港前日證實有人感染肆虐美洲等多國的寨卡病毒,不過在巴西為無綫主持奧運節目的麥明詩、韓毓霞和丹尼爾昨日由巴西返港,過關時均不用接受特別檢疫,三人亦不擔心受感染。
麥明詩推着四件行李於昨午4時許與韓毓霞等人抵港,穿上人字拖的她疲態盡現。問她是否曾被蚊叮蟲咬時,麥明詩說:「陸續都有,後來見巴西人都好唔care,自己都入鄉隨俗,何況俾蚊咬都唔係咁嚴重啫,自己都着長衫長褲,就算啲蚊咬到啲位都好少。」可擔心受感染?她說:「唔咬都咬咗,亦改變唔到事實。我睇咗啲報道話影響生育,我又唔諗生育住,只不過驚啲菌會帶畀個環境,如果稍後有時間都會去檢查,不過自己聽日、後日都有工作,如果有快測試就好啦。」麥明詩表示過關時未有特別檢查,而對於男友林作揚言要隔離她,麥明詩滿不在乎說:「冇所謂啦!」

拒向林作報平安

林作及麥明詩家人昨日均未見前來接機,問麥明詩是否不見更好時,她未有正面回應,只說:「其實我𠵱家有啲『瘟瘟燉燉』,同埋做嘢都好攰,想快啲返屋企。」麥明詩揚言有跟男友正常溝通,但問她抵港後可有向男友報平安時,她卻說:「佢都係睇新聞知道我嘅消息。」麥明詩入住當地傳媒村期間發現遺失數百美元,她昨日表示已經報警,自己和公司亦有買旅遊保險。訪問後,麥明詩推着行李獨自乘機場快線回家,認真慳家。
韓毓霞亦表示在港過關時未有特別檢疫,由於自己未被蚊叮過,所以不太擔心,她說:「我喺當地都有噴蚊怕水,亦着長衫長褲,知佢哋每日喺傳媒村都有噴驅蚊藥水,環境都OK,反而有日去伊瓜蘇瀑布,見到有團人其中一個俾蚊咬到腫咗,比較擔心嗰個人多啲。」丹尼爾則說:「我俾蚊咬過耳背,返嚟香港都會做檢查。」
採訪:卓寶花
攝影:沈健程

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載