› 選擇地區
三藩市
紐約
洛杉磯
其他美國地區
香港 台灣 北美
 
2016年08月31日

香港讀書方便湊?
蔡少芬囡囡讀名校St. Catherine’s

幼稚園一向早開學,大陸女星楊冪前日就湊囡囡「小糯米」到銅鑼灣返幼稚園,做人父母,想子女喺好嘅學習環境成長理所當然,所以好似楊冪同劉愷威咁,就安排囡囡係香港讀書。除咗楊冪同劉愷威,香港仲有唔少單非家長安排仔女留喺香港讀書:

張晉、蔡少芬:
蔡少芬為大陸老公張晉生咗兩個楚兒同信兒兩個囡囡,大女楚兒喺名校St. Catherine's讀書,細女信兒都喺上年入到學校嘅second in,蔡少芬仲話因為鍾意呢間學校,所以冇幫細女報過其他,擺明志在必得。

朱少杰、郭羨妮:
99年港姐冠軍郭羨妮(Sonija)喺2011年嫁咗俾內地武指朱少杰,約滿大台之後就相夫教女,嚟緊囡囡就讀K2。上年Sonija話日日都要陪女返學同做功課,呢位媽媽真係唔話得。

魏駿傑、張利華:
魏駿傑08年同細佢20年嘅重慶嫩妻張利華結婚,雖然張利華被指唔黐家,但魏駿傑就好黐個女,每日都負責任囡囡放學。

陳浩民、蔣麗莎 :
為人父母都應該好清楚,湊大仔女唔係咁容易,好似五年抱四嘅陳浩民,佢嘅大陸妻子蔣麗莎就試過入境香港嘅時候,喺入境處等超過100分鐘,仲話每次來港都會遇上同樣遭遇,當時佢話:「我三個BB喺香港讀書,我係媽咪,當然要嚟照顧佢哋啦!」

相關新聞:【兩年婚姻】聚少離多感情觸礁

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載