› 選擇地區
三藩市
紐約
洛杉磯
其他美國地區
香港 台灣 北美
 
2016年08月31日

【《蘋果》專訪】20年後收亡父信件
陳安立講陳毓祥:去釣魚島接近爸爸

近日在ViuTV處境劇《三一如三》飾演健身教練的陳安立(Brian),父親是保釣人士陳毓祥。下月26日是陳毓祥離逝20周年,Brian早前無意中發現父親的波鞋及寫給自己的信件等遺物,兩父子距離一下子再拉近。
採訪:戴彩煥

事發於1996年9月26日,香港保釣人士陳毓祥乘保釣號抵達釣魚島附近海域時跳入海中宣示主權,結果不幸遇溺離世,終年45歲。當日陳毓祥年僅8歲的囝囝陳安立(Brian),如今已是身高6呎1吋的高大猛男,事隔20年,Brian坦言對父親印象越來越清晰。

相關新聞:被ViuTV劇嫌Body差

波鞋同Size

Brian日前接受《蘋果》專訪時說:「我冇咗爸爸,所以身邊嘅人畀更加多嘅呵護、照顧,嗰段期間,媽咪可能自己都傷感,唔想講太多爸爸嘅嘢,身邊人亦唔會主動講,反而我越大,親戚會講番爸爸啲嘢。」
去年,Brian無意中發現父親一些珍貴遺物,再次拉近他與父親距離。Brian說:「爸爸私人物品寄放咗個地方,上年開始我執嗰個地方,原來報紙雜誌保管得好好,睇番好記憶猶新。我搵到佢啲波鞋,同我size又差唔多。早排我又搵到一封爸爸寄畀我嘅信,但我從來都未讀過,上邊講嘅嘢係要我生生性性……都幾感動。」

永遠是英雄


Brian曾表示希望以中國人身份去釣魚島游水,到今日他亦有此念頭,他說:「有機會我都想去呢個地方,因為呢個都係佢離開嘅地方。有時望住個海都會諗起爸爸,有機會去到嗰個地方,可能同佢關係又會近啲。呢個對普通人嚟講,可能同國家歷史政治有連繫嘅地方,但對我嚟講仲有多重意義,呢個係我爸爸離開嘅地方。」
服裝提供:Reebok

相關新聞:圈中肌男多彭于晏多女愛 張家輝奇蹟變大隻

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2020 AD Internet Limited. All rights reserved. 版權所有 不得轉載