› 選擇地區
三藩市
紐約
洛杉磯
其他美國地區
香港 台灣 北美
 
2016年09月01日

港姐宋芝齡黐已婚執行董事
戴情侶手鈪當街啜

記得香港剛吹起「韓」風嗰陣,成日見到宋芝齡出現喺公仔箱,識韓語嘅宋芝齡主力訪問韓星,自1996年參選港姐入行,喺大台撈咗多年發展平平,現時少咗見佢喺幕前演出。

昨日有周刊爆37歲宋芝齡去咗辦韓語學校,又開過韓式餐廳,做女強人之餘,亦搵到個已婚HMV集團執行董事何智恒,早前陪男友去半島開餐,當時何智恒手上仍戴住婚戒。

據報道指,宋芝齡半年前同何智恒撻著,男方做過律師行合夥,家住西半山,日前二人戴住情侶手鈪行又一城,行完家品店,就一齊去買雪糕,一杯兩份食,何智恒又出手掃宋芝齡玉背,食完行行吓,何智恒更突然咀咗宋芝齡一啖,不過見在場有記者影相,何智恒就即急步走人。

報道問過宋芝齡,佢直認知男方已婚,認為大家係成年人,一定清楚先行埋,而何智恒亦認與宋芝齡拍拖,稱同老婆已分居幾個月,問題存在咗一段時間,但就話宋芝齡絕對唔係第三者,唔想宋芝齡被標籤。

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2020 AD Internet Limited. All rights reserved. 版權所有 不得轉載