蘋果日報 | APPLE DAILY
› 選擇地區
三藩市
紐約
洛杉磯
其他美國地區
2016年09月03日
馬上成為壹會員

感情騙子?郭政鴻同滕麗名拖拉一年先分手

「容易受傷的女人」滕麗名,喺13年就同圈外男友朱建昆(Matthew)結婚,正式做咗朱太,但其實滕麗名除咗同「不識時務」嘅魏駿傑有過一段情外,原來佢同前大台藝人郭政鴻都有一段唔開心嘅情路。

講起阿滕嘅情史,一諗只會諗起佢同魏駿傑,但其實郭政鴻都傷得阿滕好深o架。是咁的,阿滕喺07年同拍拖9年嘅魏駿傑分手後,因為拍劇《野蠻奶奶大戰戈師奶》時,好快就搭上剛失婚嘅郭政鴻,雖然佢哋一直都冇認過拍拖,但係佢哋拍拖根本就係圈中公開嘅秘密。

之後佢哋再合作《桌球天王》,當時就俾人笑佢哋係寓工作於談情,除咗劇中4連咀外,阿滕仲公然幫男方搽太陽油,喺傳面前打情罵俏,兼且有周刊影男方去阿滕清水灣嘅新居落簾短聚㖭!

正當大家都以為阿滕遇到真命天子,09年,郭政鴻被拍到與一女子及一名9個月大女嬰同行,三人齊到中旅社替女嬰辦理回鄉證,申請表上女嬰的名字為郭X欣。當時有傳郭政鴻翻撻前妻、並火速生下囡囡,及後雖然證實該名同行女子並非前妻,但阿滕與郭政鴻拖拉近一年,最後亦分手告終。如今郭政鴻已另組家庭,滕麗名亦已成為人妻,展開新生活。

相關新聞:郭政鴻陪完妻女去掘金

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載