› 選擇地區
三藩市
紐約
洛杉磯
其他美國地區
香港 台灣 北美
 
2016年09月05日

網友留言嗌回水 《江湖悲劇》正評VS負評

《江湖悲劇》有觀眾睇到中途離場,網上嘅負評又一大堆,但係,點都會有啲正評嘅,依家同大家睇下套電影嘅正評同負評。

負評:

「買飛入場嘅朋友系時候反省一下點解你會睇這部電影?除咗電影贈券之外可唔可以俾個其他理由我?譚詠麟好耐冇電影上映?想睇陳小春?想睇伍姑娘?又係話支持香港電影啦?我只有一個原因想睇一部電影可以爛成點?」

「改錯電影名應該叫電影悲劇!電影完全冇中心思想,全部都係唧都唔識笑嘅笑話,一大班過氣仲要唔識演戲的演員,由一個唔識拍電影已經去咗電台做嘅過氣電影導演執導,入得場你哋仲期望乜嘢?天時暑熱好好瞓一覺啦。」

「睇咗就真係悲劇,20幾歲睇過最無聊嘅戲!完!」

「套戲有如垃圾桶,垃圾導演、垃圾演員聚在一起⋯金錢、時間全浪費。」

「港產片點解會死? 睇完江湖悲劇明白晒。」

「邊個onX拍㗎X你老X,除咗onX我都唔知用咩去形容,嘥時間嘥錢嘥精神。」

「打手比番啲良心啦唔該,呢套唯一可取就係可以挑戰自己既忍耐力。」

正評:

「港台主持林超榮手法幾過癮,睇完我唔覺太差law。」

「戚美珍依然咁靚,之前已經很喜歡她做戲了。整體唔錯呀。」

「校長演得好好,都非常感人,一定要看。」

「裡面明寸香港公家醫院行政差,ok啦。」

「我支持悲劇,因為有我至愛的夏蕙b同四哥。又唔係咁爛姐」電影中係冇見過四哥謝賢嘅,但可能佢講緊另一個四哥。

「伍姑娘做得好過癮,十足傻姑娘做大家姐一橡。超可愛。」

「主題簡單,但勾起很多香港人的回憶。值得一看。」

唔知係正評定係負評:

「揾食啫,無謂研究太多,熱鬧笑下嘅港產片。」

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載