› 選擇地區
三藩市
紐約
洛杉磯
其他美國地區
香港 台灣 北美
 
2016年09月05日

嚴選爛片 《無極》VS《天機:富春山居圖》

香港電影業,曾經百花齊放過,冇話下下要大卡士先係好片,同樣道理,有大卡士嘅唔一定係好片,好似「宇宙最強」甄子丹,佢啲功夫毋庸置疑,家陣仲攻到去荷李活,拍《星球大戰》外傳電影《Star Wars:Rogue One》,仲有傳佢係全劇組最高身價嗰個,至於啲舊史,應該冇人記得。

其實唔止佢,好多大卡士嘅星都演過啲大堆頭、但票房同口碑唔成正比嘅電影,好似以下10套,算係佼佼者中嘅佼佼者!

《賭城風雲3》

香港上映日期:2016年2月6日

票房:2,504萬港元

《賭城風雲3》揚威全球,連權威電影網站IMDb都有呢部戲嘅踪影,個評分仲喺10分入 面攞到1.3分。

《家有囍事2009》

香港上映日期:2014年1月23日

票房:2,465萬港元

由谷德昭執導、黃百鳴監製嘅《家有囍事2009》,係根據1992年上映同名電影《家有囍事》而編寫,除咗有吳君如、李香琴同夏春秋等人再參演外,仲加咗古天樂、鄭中基等落去幫手搞笑,雖然卡士係勁,但係夾硬搞笑,頭15分鐘派古天樂晒肌吸客,但笑位太夾硬,實在唔易頂。

《天機:富春山居圖》

香港上映日期:2013年6月12日

票房:200萬港元

劉德華、佟大為、張靜初和林志玲主演,一直霸佔網民心目中爛片之王嘅位置,多年嚟未遇到對手,但《江湖悲劇》有機會打低《天機》。

《封神傳奇》

香港上映日期:2016年7月29日

票房:210萬港元

由李連杰、梁家輝、范冰冰、黃曉明、古天樂、Angelababy、文章、向佐、許晴、祖鋒、陳小春、安志杰主演,許安執導,卡士勁到飛起,但係睇票房就明白……捧場客唔多。

《台北夜蒲團團轉》

香港上映日期:2015年3月19日

票房:213萬港元

由錢國偉做導演嘅夜浦電影,喺《喜愛夜浦1》之後,一直都被批毫無新意,都只係搵靚女賣弄性感。

《冰封俠:重生之門》

香港上映日期:2014年4月25日

票房:497萬港元

導演羅永昌,主演甄子丹、黃聖依、王寶強、任達華。該片翻拍於1989年的港片《急凍奇俠》,由元彪、張曼玉主演,《冰封俠》有指拍到好似低質版嘅《美國隊長》咁,口碑只有負評。

《一個人的武林》

香港上映日期:2014年10月30日

票房:950萬港元

導演陳德森,主演甄子丹、王寶強、楊采妮、白冰,又一套甄子丹同王寶強嘅合力之作,可惜被批故事薄弱。

《無極》

香港上映日期:2005年12月15日

票房:522萬港元

《無極》其實真係好無敵,陳凱歌又監又導,主演嘅包括謝霆鋒、張栢芝、張東健、真田廣之、劉燁等中港日韓星,聲勢係好勁,不過,票房就……其實《無極》當年喺內地上映一星期,首周票房已經高達7,425萬人民幣,仲話打破咗周星馳《功夫》保持首周6,400萬人民幣的中國票房最高紀錄。

《特工爺爺》

香港上映日期:2016年4月1日

票房:981萬港元

由洪金寶主演,電影海報中有大量紅星,但在電影中,全都只是客串。

《綁架丁丁當》

香港上映日期:2016年6月23日

票房:189萬港元

由方力申主演,一貫胡鬧電影作風,靜靜地上映,靜靜地落畫,甚至無人認識呢套電影。

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載