› 選擇地區
三藩市
紐約
洛杉磯
其他美國地區
香港 台灣 北美
 
2016年09月08日

香港做Freelancer冇運行?
得獎插畫家:過咗幾年食屎生活

如果你仲認為自由工作者(Freelancer)等如不務正業同游手好閒,不如你睇吓插畫家兼動畫師Johnee Lau嘅故仔啦!Johnee 讀大學時修讀數碼媒體,創作咗搞笑動畫英雄「Galaman」,得到大大小小動畫獎項,睇落前途無限好,於是佢諗住可以接相關藝術工作維生,點知畢業後先知畫畫唔可以當飯食:「我嘅收入只係夠維持我嘅生命,幾年冇買過一件衫,冇出街睇過一場戲,過咗好幾年食屎生活。」Johnee話,畢業後呢幾年雖然都有唔少品牌搵佢合作,畫poster,甚至搞展覽,但始終 freelancer係一個被動角色,永遠唔知道對方幾時搵你,幾時唔搵。
記者:譚倩宜、黃芷蔚 攝影:馮峰、Neo

佢不時會喺網上放上自創動畫供大家免費收睇,動畫由自己一手一腳製作,當中包辦劇本、配音同主題曲。但免費上載作品嘅Johnee,反而畀同行睇唔起,「有個前輩同我講,『作為一個納稅人,如果我知道政府有咁多錢,畀你呢啲網上有免費睇作品嘅創作人嘅話,我會覺得好唔gur囉!』政府如果有筆錢想幫助一啲香港創作人,唔係就係應該畀我呢啲冇錢都願意繼續做嘅戇x仔咩?」佢直言當時對呢個行業已經冇信心,轉咗去專上學院教動畫,但因乜事依家又會回復 freelancer身份同我哋傾計呢?「最大轉捩點係,學生開始問我:『香港做呢一行搵唔搵到食?』嗰一刻其實我唔知點答佢,我自己都係一個逃兵。」為咗証明讀動畫搵到食,Johnee就重投自由工作者行列喇!問佢依家搵到幾多錢,佢好老實咁話:「半年靠接freelance收入有15萬,大槪一個打工仔人工。」

依家Johnee每晚都堅持喺專頁開live,幫觀眾畫「Faster Piece」,即係觀眾畀個名詞出嚟,佢用兩至五分鐘時間即場畫,晚晚都有幾千人睇,邊個話免費藝術唔值得尊重?

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載