蘋果日報 | APPLE DAILY
› 選擇地區
三藩市
紐約
洛杉磯
其他美國地區
2016年09月09日

數惡行向添丁前夫贈興
劉明軒鬧王傲山係屎

96,612

保險才俊王傲山當年與李彩華分手,即戀上有線前主播劉明軒,兩人閃結閃離,王傲山今年再與任職證券的女友Janny奉子成婚,大前日一索得男,前妻劉明軒爆大鑊贈興,寸爆男方「反轉豬肚就係屎」,同時爆一年內遭前夫三次趕出門,試過熟睡時被王傲山用床頭燈照醒,至今仍活在離婚陰霾下!

相關新聞:劉明軒爆前夫:一年趕走我三次

李彩華舊愛、保險才俊王傲山今年5月與任職證券的女友Janny奉子成婚,大前日在facebook報喜8磅半囝囝出世。其前妻劉明軒日前接受本報訪問時,大爆離婚內幕,一年婚姻被前夫先後趕出家門3次,似要向新任爹哋王傲山贈興。
日前劉明軒到跑馬地五金店買勞工手套,離婚後她未見第二春,原來有離婚陰影,她日前在電話中說:「都怕咗,有乜嘢男人係信得過?追你嗰刻對你好,變得好快!我想澄清同佢(王傲山)上年11月初先辦妥離婚手續,唔係之前報道所講兩年前離婚。」她續說:「呢一年所謂婚姻好痛苦,婚姻代表乜?一張紙?張紙再簽多個名,就係廢!好多嘢反轉豬肚就係屎!」

李彩華暗寸

當年李彩華隔空被飛,兼被王傲山寸做人應「腳踏實地」,對於舊愛如今被前妻數臭,問她可覺沉冤得雪?李彩華昨在電話說:「我從來都係正義嘅朋友,寧願人負我,我都唔負人,自己唔鍾意向後望,𠵱家開心就得。」
採訪:王梓嫚、小米
攝影:梁繼光、朱志聰

相關新聞:前妻爆三次被趕出門王傲山覺得係陳年舊事

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載