› 選擇地區
三藩市
紐約
洛杉磯
其他美國地區
香港 台灣 北美
 
2016年09月17日

跟JC比堅尼鬥靚 思琦現媽媽肌

楊思琦、唐紫睿(Hazel)、鄧麗欣(Stephy)和警鐘胸Jessica C.(JC)等早前去馬來西亞拍電影《辣警霸王花》,眾女齊齊飾演特警新丁,在泰國泳池邊放蛇,等待時機逮捕恐怖分子。JC、思琦妹及Hazel穿比堅尼大騷身材,當中JC更噴血騷警鐘胸,而飾演主角Madam「細方」的Stephy較為失色,只穿碎花白背心及紅短褲。

夾到手指

已是一女之母的思琦妹不錫身,極罕穿黃色比堅尼上衣襯短牛示人,更要親身拍攝出拳、起腳的打戲鏡頭,由於她打得投入,更不慎整傷手指,她說:「我夾到手指,係痛到好似冇咗手指咁滯。嗰時我係成班女仔中唯一嘅媽媽,監製Charlie仲話好好,唔覺呀,睇落好後生,我嘅自信心即刻番晒嚟。最好笑係Hazel話我有腹肌,原來我真係有啲,可能抱得我個女多,成日都用力。」
另外,Hazel拍此片時未拍《G1格鬥會》,不過已有打女功架,但身形有點肉地:「梗係啦,嗰時肥得交關,冇乜運動,睇番啲劇照都好滴汗,起碼同𠵱家爭5、6磅啦,反而JC就真係幾弗,同埋楊思琦都幾好身形,生咗BB都keep得好好。」
撰文:唐如

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載