› 選擇地區
三藩市
紐約
洛杉磯
其他美國地區
香港 台灣 北美
 
2016年09月26日

王菲愛女閨密 童童曾帶水原食小牛蛙同龍蝦

美韓混血女星水原希子上年開始將發展基地移至強國,上年Angelababy同黃曉明舉行婚禮,王菲大女竇靖童透過趙薇認識水原希子,二人好投契,水原喺北京做嘢,童童都會盡地主之誼,試過帶水原食小牛蛙同龍蝦,二人識咗冇耐,已經多次一齊去旅行。
而童童早前喺日本出道,亦多咗去日本,今年水原捲入趙薇執導新片《沒有別的愛》惹來杯葛風波,水原希子拍片向中國人認錯,否認自己曾參拜靖國神社,但就承認幾年前對一張朋友張貼辱華嘅照片讚好,表示當時唔清楚照片真正含義,以中文講出「對不起」。
強國網民繼續對水原咬住唔放,重提佢以前嘅blog曾貼出達賴喇嘛著作《流亡中的自在》(Freedom in Exile)之封面,又po中國地圖,印有「西藏和她的鄰國」呢兩張照片,網民未經思考就認定水原希子支持藏獨,身為水原閨密嘅王菲愛女童童,先轉貼好友嘅道歉片,其後童童微博突然變成空白一片,難免令人聯想同水原希子有關,有網民猜測因童童只挺水原而冇撐媽咪好友趙薇,引發趙薇fans不滿狂轟,令童童選擇「棄博」。

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2020 AD Internet Limited. All rights reserved. 版權所有 不得轉載