› 選擇地區
三藩市
紐約
洛杉磯
其他美國地區
香港 台灣 北美
 
2016年09月28日

公開嘅秘密
韓媒評選整容最多女星冠軍係......

韓國整容風氣旺盛,唔止普通人,就連藝人都會為咗再靚啲而去整容。雖然韓國藝人中都有零整容代表,不過其實都有唔少藝人曾經整容,就好似女星Jessi、被指撞臉「國民初戀」秀智嘅女團I.O.I成員鄭采妍等都整過容並大方承認,不過就唔係個個都咁有膽。

據《新浪娛樂》引述,近日有韓媒以「整容最多嘅女星」為題進行排名,被評為整得最多嘅女星係曾拍攝韓劇《甜蜜的人生》嘅44歲女星尹賢淑,而佢之前出演綜藝節目時亦曾經承認自己割咗3次雙眼皮,當時佢講過:「以前好唔鍾意自己個樣,曾經去面試考做演員但失敗,當時認為係因為自己唔靚而考唔到,所以就去咗割雙眼皮。而且醫生手勢好好,完全唔明顯我有整過。」另外,尹賢淑於4年前出演《Happy Together》時又認自己整咗正顎手術,不過佢就表示係因為顎關節炎不時感到疼痛,最後先透過正顎手術解決問題,但事實係點真係尹賢淑先知。

而韓媒評點嘅第2名至第8名分別為30歲《Remember-兒子的戰爭》朴敏英、34歲《來自星星的你》劉仁娜、女團T-ara 30歲成員寶藍、T-ara 28歲成員素妍、32歲《大話妹》李多海、女團After School 25歲成員NaNa及女團少女時代27歲前成員Jessica。

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2020 AD Internet Limited. All rights reserved. 版權所有 不得轉載