› 選擇地區
三藩市
紐約
洛杉磯
其他美國地區
香港 台灣 北美
 
2016年10月06日

【馮仁昭四圍超】連《推手》四奪金馬女配角
千面王萊逝世明舉殯

王萊四奪金馬女配角,成為紀錄。《推手》劇照

甘草演員王萊於上月28號逝世,享年89歲。甘國亮噚日喺微博證實離世消息,上載兩張王萊生前相片,留言:「前輩王萊姐10月7號紅磡世界殯儀館出殯。」曾四奪台灣金馬獎女配角嘅王萊,原名王德蘭,北京出世,25歲到香港發展,50、60年代開始投身演藝事業,既當主角亦演配角,邵氏時期演過唔同類角色都好突出,有「千面女星」稱譽。

「係語言專家」

王萊除57年同林黛演出《金蓮花》、59年同尤敏演出《玉女私情》、82年同李翰祥導演合作《武松》等作品之外;亦憑電影《人之初》、《小葫蘆》、《海峽兩岸》同《推手》奪金馬女配角,成為奪得最多金馬女配角嘅演員。92年王萊因為健康問題息影,之後移民加拿大。
甘國亮噚日接受電話訪問,講到王萊離世消息:「係另一個前輩葛蘭話畀我知。我哋都有好多年冇見面,因為佢不良於行,坐輪椅好多年,有時唔會驚動佢出嚟飲茶。」佢話係由葛蘭介紹認識王萊,細細個已經睇呢位前輩做戲:「有啲演員好後生,但唔知點解一出嚟要做人阿媽,佢就係呢種,但佢比較搶鏡,因為佢係好好嘅性格演員。佢仲教過我上海話,大家都好尊重佢嘅配音技巧,佢講嘅說話好純正,好有力,係語言專家。」
撰文:馮仁昭

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載