› 選擇地區
三藩市
紐約
洛杉磯
其他美國地區
香港 台灣 北美
 
2016年10月06日

【也許扑嘢很難】游蕙禎BB搵地方「扑嘢」?
巴打: 趁屋企冇人

立法會議員游蕙禎噚日出席喺理工大學舉行嘅論壇時,對於年青人不斷被縮窄嘅生存空間,以及負擔唔起屋租,突然爆出一句「就算我哋o依家想去扑嘢(做愛),都搵唔到房去扑,呢個係好現實嘅問題」,引起網民激烈討論。

有網民留言力撐蕙禎bb,話佢一語道出問題所在,夠晒直接!但亦有人認為佢身為立法會議員,用「扑嘢」二字,實在太過低俗喇,影衰香港呀!而才子陶傑就話『扑嘢』呢個字眼,唔應該宣之於女性之口,因為蕙禎bb唔係做緊網台喎,而係中華人民共和國香港特別行政區立法會議員,所以講嘢唔可以咁粗鄙。見到一眾鍵盤戰士同「道德X」都咁大反應,動記者當然要落區親身聽吓大家嘅意見啦,估唔到有啲市民思想都幾前衛喎!

蔡小姐:「講得幾好,個個都有需要架嘛。」

何先生:「用字我覺得佢幾大膽,幾好。表達到好多人心聲!」

Felix:「新一代人有新一代人嘅風格,我覺得佢係比較直接咁講出自己嘅心底話,所以我覺得OK!」

張生:「字眼係唔恰當o架啦,『扑嘢』唔好聽。」

想聽更多更爆嘅意見,即刻去片啦!

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載