› 選擇地區
三藩市
紐約
洛杉磯
其他美國地區
香港 台灣 北美
 
2016年10月07日

契女撻着陳展鵬
豹哥嘲胡定欣:姣婆遇上脂粉客

早前陳展鵬跟胡定欣合演的劇集《城寨英雄》不單收視報捷,有指兩人在戲中咀出真感情,暗地裏撻着發展戀情。近日二人又再合作拍攝新劇《同盟》,朝夕相對難捨難離。日前有雜誌拍到他們在外景場地收工後,由男友陳展鵬充當司機,載女朋友胡定欣返家。他將車駛到西貢一處僻遠的停車場,然後以買糖水為由,支開胡定欣的助手,讓二人可以在車廂獨處調情,到助手回來兩人仍含情脈脈在車內吃糖水,之後男方才載胡定欣返回將軍澳天晉寓所。

豹嫂:係開心事

身為胡定欣「哎吔老竇」的單立文(豹哥),前晚跟太太胡蓓蔚在尖沙嘴出席電影《走過披頭歲月》的首映禮。豹哥跟太太一起接受訪問時,被問到有否留意胡定欣近日跟陳展鵬在車中調情的報道,豹哥以開玩笑的口吻說:「冇留意,我係佢老竇,冇聽過佢講,佢唔係𠵱家忙緊拍戲咩?呢啲嘢都順理成章,你知我哋拍戲嘅rundown幾咁賤格,收00:30,開06,點拍拖?」身旁的豹嫂亦幫口撐好姊妹說:「如果佢哋一齊,都係開心事,兩個都單身,靚仔靚女,郎才女貌,拍嘢日日見面。」
其後,豹哥接力繼續講笑,取笑胡定欣為「姣婆」,他說:「『姣婆遇上脂粉客』,花好月圓,總之唔係壞事,你知喺TVB入面產生真正情侶,暗交到明交,入房唔知乜交,跟住香口膠,喺入面揀嘅人,嚟嚟去去都係嗰啲,塘水滾塘魚,求其搵一個囉!呢啲係我講,知道定欣好忙,佢未拍戲前都會send吓message,呢排就冇聯絡。」
採訪:曹家誠
攝影:陳俊強

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載