› 選擇地區
三藩市
紐約
洛杉磯
其他美國地區
香港 台灣 北美
 
2016年10月11日

藝人愛寶島拍拖
楊怡謙謙行夜市香香游夜水

做藝人忙到甩轆(紅嗰啲),要放假都難,何況去旅行呢!所以有見及此,唔少圈中藝人都會揀去短途旅行拍拖或者係度假充電,而台灣就正正係一個又平又近嘅選擇。

岑麗香 Joshua(強強):
31歲嘅香香公主同圈外男友Joshua(強強)拍拖1年幾,男友係加拿大一間證券公司的合夥人,成日分隔異地,放假梗係要sweet下啦!早前佢哋就去咗台灣拍拖,香香仲喺酒店被本報讀者「爆相爆片」捕獲,着住比堅尼嘅香香仲胸壓男友o添!

楊怡 羅仲謙:
啱啱新婚嘅羅生羅太,拍拖多年都仲係咁sweet,去年10月羅生喺台灣拍電影《泡沫之夏》,當時仲係女友嘅楊怡知道男友忙於工作,仲特登人肉速遞飛去探班,仲被影到拍拖行饒河夜市。

吳若希 Alex Ho:
比較近期嘅就有吳若希同前男友Alex Ho,今年7月佢哋喺曼谷拍拖被爆撻着,吳若希仲高調認愛,8月中又一齊出發去台灣旅行,仲着晒情侶裝晒恩愛o添!不過好境不常,喺9月中唔知係咪因為冇去旅行嘅關係,吳若希突然喺ig宣佈分手。

胡杏兒 李乘德:
杏兒同老公上年年底結婚,度咗差唔多兩個半月蜜月先至復工,年中老公Philip去咗台灣出席朋友婚禮嘅時候,原本未能出席嘅杏兒專程由內地飛去台灣畀surprise老公。

相關新聞:麥玲玲批感情不穩

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載