› 選擇地區
三藩市
紐約
洛杉磯
其他美國地區
香港 台灣 北美
 
2016年10月11日

展鵬定欣同場互讚
「個個打嚟恭喜我」

胡定欣昨避開跟陳展鵬合照,但就爆對方繼續做柴可夫接送。

在7月宣佈跟陳明道(Terry)分手的胡定欣,最近盛傳跟陳展鵬暗交一個月,被影到在車內食糖水,還被定欣的「哎吔老竇」單立文取笑姣婆遇着脂粉客,昨日這對緋聞男女雙雙現身,前後腳到尖沙嘴出席周家蔚、曹永廉投資的護膚品牌活動,影大合照時天各一方十分避忌。

繼續柴可夫

當胡定欣受訪時,剛巧陳展鵬路過,記者叫他一齊合照,胡定欣卻閃走,之後再回來。問是否傳緋聞後首次同場?她說:「唔係,一齊開緊工拍劇,大家冇避忌。」對於袁偉豪笑言不敢駕車接載她,要留機會給陳展鵬,她笑說:「我都唔敢亂叫人車我,佢都有女朋友。」問到展鵬有否繼續做柴可夫?她坦言:「都有㗎,有時拍外景又夜,佢都想我安心離開工作地方箒,佢的確好gentleman,如果佢放低我喺荒山野嶺都唔車我,我就唔拍啦。」問到有冇發展機會?她說:「喺戲裏面囉。」

唐詩詠詐型

陳展鵬被問到兩人感情有否升溫?他同一口脗:「都係同事。」有否發展機會?他說:「好難答,定欣係好好女仔,可能係我自己問題啫,咁多年我都有好多緋聞,但都係假,可能係我多年怪癖,因為太集中精神工作。𠵱家個個打嚟恭喜我,以為我哋拍拖。」
同場的唐詩詠對於馬國明表示不介意跟她和洪永城三人行搵錢,她說:「吓,唔制,咁佢咪好着數。」問是否只肯和男友情侶檔?她笑說:「我要佢分番啲佣畀我先。」至於日前洪永城和傅嘉莉拍親熱戲,她說:「我覺得尺度OK,但男友鍾意畀驚喜我,大家明白工作,但有時講聲好啲囉。」
另外,佘詩曼拍內地真人騷做廚神,她說:「好多朋友約食飯要我親手煮,佢哋唔相信我嘅手勢,自己好唔忿氣,已經煮咗四、五餐,我要令佢哋心服口服。」
採訪:卓寶花
攝影:沈健程

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2020 AD Internet Limited. All rights reserved. 版權所有 不得轉載