› 選擇地區
三藩市
紐約
洛杉磯
其他美國地區
香港 台灣 北美
 
2016年10月12日

含淚感謝阿梅Deanie姐
何韻詩嘆完騷後冇嘢撈

何韻詩的4場紅館騷前晚圓滿結束,申請多次才再踏紅館的她,獲觀眾大讚「真正香港歌手」,阿詩說:「呢3年嚟我哋經歷咗好多事情,𠵱家應該重整再出發,今次舞台用黑色,主題都係用黑色,因為喺呢個年代呢個時候,真係好難用歌舞昇平嚟做一個演唱會!」

「曾經迷惘迷失」

前日是恩師梅艷芳的53歲忌辰,阿詩唱《如無意外》時望着台頂,聲震震含淚說:「生日快樂,佢離開嘅時候我攞到個盒,我覺得入面係幾深幾重嘅,亦帶住一啲黑暗,呢啲黑暗令我曾經迷惘迷失,最後發現盒中裝住嘅嘢係對我之外,亦係對呢個地方嘅一個禮物。」昨日是阿詩媽咪生日,她在台上與哥哥何秉舜合唱《絕對》,送給父母。
之後阿詩唱《是有種人》向觀眾90度鞠躬,哭着說:「係你哋將我帶番嚟呢個舞台,多謝你哋,證明呢個地方依然有希望。」阿詩更多謝捧場的葉德嫻(Deanie姐):「兩年前有首歌(《撐起雨傘》)想送畀香港,當時好難搵到人去唱,我哋就膽粗粗打畀呢位前輩,我代表香港人多謝你!」
尾聲時觀眾自發倒數再唱《是有種人》,阿詩上台說:「你哋又創咗一個紀錄喇,安哥唔叫安哥,喺度唱歌,你哋贏晒啦!」

「一年前有失望」

完騷後阿詩表示最開心終於可放假,問到休息多久?她笑說:「唔知㗎,可能直頭榮休呢,真係冇嘢撈,自己搵啲嘢搞吓,呢個環境大家可能好驚,今日圈內有朋友話想嚟睇,但驚有困難,可能佢公司驚呢,一年前我真係有失望,但𠵱家理解佢哋處境。」
對於杜汶澤在社交網撰朱門酒肉臭論,指送阿詩的花牌只剩十件八個,她說:「當然明顯少咗啲朋友,好多嘢身不由己,我唔會怪責佢哋,好難要求人哋為咗你嚟睇騷,而同公司有拗撬。」
採訪:王連連
攝影:沈健程

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載