› 選擇地區
三藩市
紐約
洛杉磯
其他美國地區
香港 台灣 北美
 
2016年10月15日

紋身唔等如古惑仔
紋身師靠雙手感染土瓜灣

紋身於外國是一種藝術,不少明人紅星都會將有紀念性的文字或圖案紋於身上。香港,被喻為國際都會,卻對紋身一事相當保守,甚至將紋身者與壞人劃上等號。去年於土瓜灣開設紋身店的Marcus Yuen,本希望藉此店推廣紋身藝術及英式文化,但想不到此舉卻觸動到部份居民神經,引來網上罵戰。

記者:倩宜 攝影:馮峰、Neo

當了紋身師5年的Marcus,雙手、身體、頸以及頭等,身上7成皮膚都被紋身覆蓋。你可能會以為,周身紋身的他,走到街上必定會被警察截停查問,亦覺得他會被黑社會「眼超超」,但Marcus笑說:「反而我無咩紋身嗰陣,就成日俾警察查,依家咁樣反而無,因為如果我衰咗,要搵我有幾難。黑社會都無,因為佢哋都唔夠我多(指紋身)。」

18歲於手臂紋下第一個紋身,Marcus坦言家人知道後,責備了他一頓:「始終媽媽對紋身印象唔好,怕我將來搵唔到工,同埋覺得我太細個,不過依家佢哋接受咗,爸爸仲間中會過嚟叫我幫佢紋身。」

Marcus熱愛英國文化及紋身藝術,去年於土瓜灣開設了這所59 Tattoo and Barber Shop,為的是希望跟好友有一個聚腳點,並將英式文化及紋身藝術推廣開去,豈料此舉卻引來部份土瓜灣居民不滿,並在社交網上留言要他們滾:「有人係Facebook留言話『土瓜灣原本就好地地,你開間紋身店係度,你搞到呢度好亂囉!』」

面對反對聲音,Marcus未有因此而心灰意冷,反而更落力宣傳紋身藝術,希望改變大眾紋身等同壞人的想法;終於他的努力,得到土瓜灣的街坊認同:「依家反而讚會多咗,啲街坊都話覺得企理咗,話土瓜灣有間咁嘅店都幾有特色,係附近散開步嗰啲伯伯,都會覺得我哋係度條街係企理咗。」Marcus笑說。

其實紋身藝術漸漸於香港普及,數年前更有一班志同道合的紋身師,於香港創辦了紋身展,今年已是第四年舉辦,屆時Marcus與過百位來自不同國家的紋身師都會參與這個展覽,對紋身藝術有興趣的你,到時不妨去欣賞下!

「第四屆香港國際紋身展2016」

日期︰ 2016年10月14至16日
時間︰ 中午12時至晚上10時
地點︰ 啟德遊輪碼頭

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載