› 選擇地區
三藩市
紐約
洛杉磯
其他美國地區
香港 台灣 北美
 
2016年10月24日

【《蘋果》專訪】
JM全裸戲 「可以再降底線」

(左起)許志安、JM及林家棟日前接受專訪時,大談片中幾個難忘場口。攝影:仇志德

文詠珊(Janice Man)、林家棟及許志安日前在鰂魚涌宣傳新片《兇手還未睡》,該片焦點落在JM的全裸戲,她接受本報專訪時坦言考慮了整個月才接拍:「收到劇時本覺得好震撼,猶豫唔係尺度,最大考慮係咪自己拿揑到,尺度係要豁出去。」
JM因為壓力太大,拍攝時情緒不穩,拒絕與人交流。經過今次全裸演出,JM發現自己可以再放寬底線:「原來遇到今次角色,自己又會將底線再降低,初時拍攝有啲唔適應,要投入情緒都唔理有冇走光。」拍裸戲前,JM有與男朋友溝通,她說:「話畀佢聽係基本嘅尊重,佢唔會反對我嘅工作。」

情挑安仔 被家棟摑

JM與許志安於戲中有激烈親熱戲,她說:「喺一個好細嘅浴室拍,我冇尷尬。」安仔指親熱戲不算激烈,他笑說:「兩場都企喺度,都冇床,唔會好激。」安仔指拍攝前未有特別與JM溝通,怕越溝通越尷尬,不知怎樣開口。戲中安仔要拒絕JM的性要求,安仔笑言:「對女仔嚟講絕對係侮辱,現實我唔會拒絕人哋,唔會畀呢件事發生。」
林家棟有一幕掌摑JM致倒地的戲份,家棟說:「係一個考驗,要摑到佢跌落地,一定要用力,但唔可以NG,再打佢會腫,佢都叫我放心打。」
採訪:張俊銘

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載