› 選擇地區
三藩市
紐約
洛杉磯
其他美國地區
香港 台灣 北美
 
2016年10月28日

靚媽彭羚愛執平貨
利嘉兒狂掃「芭蕉扇」

慳儉係一種美德,好似熊黛琳咁,老公郭可頌身家億億聲,不過都仲係咁慳家,鐘意行平價家品店,其實唔止佢,都仲有唔少女星鍾意執平貨。

彭羚
同老公林海峰結婚之後就專心做人妻,生咗兩位千金林泳、林清。話晒都係全職人妻,梗係要慳啦!佢不時被影到送咗囡囡返學之後,佢自己一個人行渣甸坊掃平貨,仲會去莎莎買化妝品,貼地到爆。

利嘉兒
喺2010年再婚嘅利嘉兒,雖然老公係隱形富豪,佢仲話老公畀咗幾層樓佢揸手,又畀信用卡佢任碌,得閒仲有小禮物收,不過佢都一樣keep住貼地,早前仲畀《蘋果》見到佢一個人去雜貨鋪,仲狂掃「芭蕉扇(小型手提電風扇) 」,一買仲買咗十幾部!

葉璇
葉璇同「小默先生」拍拖年幾,非常之sweet,早前佢同男友去咗銅鑼灣拍拖,唔好以為佢哋一定係行時代廣場啲名店,其實佢哋行大家都會去嘅金百利同銅鑼灣地帶等嘅平民商場。

相關新聞:百億人妻好慳家婚前日本城慳買家品

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2020 AD Internet Limited. All rights reserved. 版權所有 不得轉載