› 選擇地區
三藩市
紐約
洛杉磯
其他美國地區
香港 台灣 北美
 
2016年10月29日

傲兒伴舞 許冠文放笑彈
阿Sam送肉嘴 歌迷狂呼

現年68歲歌神許冠傑(Sam)一連三場紅館個唱前晚開鑼,唱盡《印象》、《梨渦淺笑》等經典金曲,其中不少歌更是與糖妹、J.Arie和陳凱彤合唱,而何傲兒為《十個女仔》及《先敬羅衣後敬人》伴舞外,更大顯身手為《滄海一聲笑》彈古箏。阿Sam一向愛與歌迷互動,前晚個唱上他不停圍住舞台與粉絲握手甚至咀嘴,令粉絲high爆。
每次阿Sam開騷,其兒子懷欣、懷谷及胞兄許冠文例必上台力撐,前晚阿Sam跟兩子演唱《摩登保鑣》和《賣身契》等電影歌曲後,許冠文便上台棟篤笑。許冠文指手機的發明令人與人之間變得冷漠,他說:「𠵱家出到街個個都耷低頭,就算出到去同朋友食飯,個個都係一樣,淨係喺度睇facebook同WhatsApp,同啲唔喺度嘅人傾偈,反而唔同身邊嘅人講……真係似足死鬼老竇,佢未行之前,阿媽唔同佢講嘢,到老竇走咗,阿媽去拜山就鬼咁多嘢講。」最後,許冠文大彈過去十年情歌水準下降,並以《江南Style》為例,他邊跳馬舞邊說:「歌詞話『性感的女人呀,你着咗衫好睇過你唔着衫,性感的女人呀,快啲過嚟同我騎馬』,都唔知係乜嘢情歌嚟!」全場拍手大笑。

阿倫唯一偶像

阿倫譚詠麟前晚為阿Sam個唱擔任嘉賓,二人合唱《沉默是金》,將整晚氣氛推至高潮,阿倫說:「可能我係好多人嘅偶像,但係我嘅偶像只得阿Sam一個!」阿倫指他的《雨絲情愁》與阿Sam的《是雨?是淚?》很夾,希望將來可以合作將兩首歌crossover。安哥時,Sam最後以一曲《浪子心聲》結束演唱會。
採訪:曹家誠
攝影:沈健程

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2020 AD Internet Limited. All rights reserved. 版權所有 不得轉載