› 選擇地區
三藩市
紐約
洛杉磯
其他美國地區
香港 台灣 北美
 
2016年11月01日

【動畫】【西貢結界1】迷失85小時
西貢行山客保命歷程

今年6月18日,人稱鵬哥嘅行山發燒友張善鵬,獨自去西貢北潭涌行山。經過大枕蓋,佢發現天色轉差,大約早上10時喺Facebook出post話想落雨,嗰頭個天就即刻用驚天雷「回敬」佢。鵬哥留言大叫「好邪」,跟住急急腳落山。不過,到佢喺入山囗見雷雨雲似乎過咗,於是改變主意,繼續行程。

誰不知,鵬哥自此失去同外界嘅聯繫。直到6月21日晚上10時許,佢終於喺鹹田灣遇上警察,而身體只有輕微損傷,總算平安無事執番身彩。究竟佢喺呢四日三夜(近85小時)發生過乜事?同時喺冇食過嘢嘅情況下點樣「保住命仔」?事發半個月後(7月3日),鵬哥喺facebook貼咗一篇三千字嘅文章,交代佢呢個「奇幻之旅」......

相關新聞:【西貢結界2】張善鵬結界事件網絡作家孔明早有預言?

「開始落山時還蠻順利的,但下了大約幾十米後又好似唔多對路,好似怎行同目標距離都無縮短到......覺得迷迷糊糊……不知怎地沒能下山,返而轉了入山谷裡……途中竟然又望見對面山係個好似沙嶺咁樣嘅墳場。雖知有墳埸就一定有路走,但西貢西灣-帶何來有墳場,呃我唔倒(到)嘅!果然轉眼又變返樹林......」(節錄自張善鵬facebook)

究竟當中描述係真定假?當然只有鵬哥知道,不過有人話係佢嘅幻覺,又有人話佢進入咗異度空間、或者係西貢隱藏嘅「結界」......

蘋果動新聞特意根據鵬哥facebook貼文嘅描述,將一幕幕曲折離奇嘅經歷以動畫形式重現大家眼前。

此外,一部3個月前發表嘅網絡小說竟然疑似預言左鵬哥事件,想知更多﹖請收睇同日另一則動新聞:【西貢結界2】張善鵬結界事件 網絡作家孔明早有預言

相關新聞:【動畫‧西貢結界3】結界事件源頭?丁利華離奇失蹤案

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載