› 選擇地區
三藩市
紐約
洛杉磯
其他美國地區
香港 台灣 北美
 
2016年11月02日

冇搞種生基樂園
黃宗澤:種菜都唔識

黃宗澤(Bosco)演出的新劇《幕後玩家》正在熱播中,劇中飾演公關公司創意總監的他,後來得到財團支持到馬來西亞搞地產生意。想不到現實生活中,Bosco也是頻頻飛馬來西亞傾生意,昨日就有周刊報道,指他與玄學家司徒法正在大馬搞種生基度假樂園,該項目預計投資超過2億港幣,潛在利潤高達30億。

指與拿督食飯

昨日本報向司徒法正求證,他指度假村計劃已經構思近兩年:「我冇份投資,係拿督佢哋用我個名箒!其實種生基本身好貴,郁吓都要過百萬,起度假村係想呢樣嘢可以大眾化啲,可以惠及更多人,到時我會喺入面教人做靈修、打坐。嗰晚Bosco請我同拿督食飯,都有問我種生基嘅嘢,Bosco同拿督佢哋好熟,知佢哋仲有傾電影發展嘅嘢!」
司徒法正講到好含糊,始終沒清楚提及Bosco有否參予投資,昨日記者直接問了Bosco,他否認說:「種菜,我都唔識,唔好話種生基吖!」Bosco續說:「呢啲嘢我又唔識,更何況都未輪到我!」

似足劇集情節

其實在大馬投資地產生意是《幕》劇的劇情發展,Bosco昨開玩笑說:「呢啲報道好配合《幕後玩家》兩個禮拜後嘅劇情,好似同我做宣傳,不過𠵱家出早得滯!」
Bosco又說到與司徒法正不熟,只是有次與朋友來到他的餐廳吃飯,彼此打了個招呼,影了一張合照,他表示:「嗰次佢嚟我餐廳食飯先正式認識同影咗張合照,但同佢冇傾過合作搞生意嘅事。」
採訪:鍾國仁

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載