› 選擇地區
三藩市
紐約
洛杉磯
其他美國地區
香港 台灣 北美
 
2016年11月06日

唔再啞忍
龔嘉欣拒背第三者罪名

第三者的罪名,唔係個個人都可以承受,好似今年26歲嘅龔嘉欣,先被指係楊明同莊思明嘅第三者後,再被爆係「偽毒坤」吳業坤同港姐王卓淇嘅第三者,佢接受周刊專訪時就講明,呢啲第三者罪名,佢唔會再啞忍,因為已經觸及佢嘅底線。

昨日有周刊報道,龔嘉欣近來被指介入莊思明同王卓淇呢兩單戀情,出道多年嘅佢,以往會覺得呢啲負面新聞,總會過去,但係一連兩次俾人話做第三者,佢真係忍無可忍,要爆喇!

佢喺專訪入眠咁講,原來呢啲新聞真係會影響到一個女仔嘅聲譽,就已經觸及到佢嘅底線。嘉欣話自己都有家人,尤其年事已高嘅爺爺嫲嫲,佢哋睇到呢啲新聞會點,身邊人見到佢哋又會唔會講一啲難聽嘅說話,令佢好擔心。

嘉欣話自從楊明事件之後,佢都已經體會到,需要回答一啲正經嘅話題,唔應該用嘻哈嘅態度,呢個令佢上咗一課,但感恩嘅係佢最終能夠保護到朋友嘅婚禮。至於王卓淇,嘉欣就真係嬲豬喇!佢話當一個完全唔識嘅人,竟然公開批評,佢覺得真係好唔公平,亦令佢百思不得其解,但佢選擇咗沉默,因為佢唔想再俾機會任何人去製造新聞去攻擊佢。嘉欣都話有同坤哥講過,唔好再攞佢哋關係嚟講笑,因為真係會影響一個女仔嘅聲譽,好彩,最後坤哥都講咗真相,還佢一個清白。經歷過一連串嘅負面新聞,嘉欣就話以後會注意一吓與男演員嘅言行,唔想再有緋聞。

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2020 AD Internet Limited. All rights reserved. 版權所有 不得轉載