› 選擇地區
三藩市
紐約
洛杉磯
其他美國地區
香港 台灣 北美
 
2016年11月06日

郭富城車房收藏近億玩具
沈嘉偉轉玩古董車

余文樂近年買跑車,幾乎架架過百萬,佢老友郭富城、沈嘉偉,身家雄厚啲,玩車資歷又耐啲,當然買嘅跑車級數都唔同啲!

好似郭富城,6月嗰陣,佢喺上海賽車場就接收咗1部法拉利,全球限量32架,身價係220萬歐元,即係港幣2,000萬,而呢架車,除咗身價高人一等外,亦要車廠覺得你係全球最尊貴嘅法拉利車主,先至會俾你買。嗱!呢啲咪係身份象徵囉!

買跑車如買玩具嘅城城,兩年前49歲生日,就豪花一千萬元,買入全新限量版林寶堅尼Aventador LP700-4 Roadster作為生日禮物。車廠仲特別為「新城嫂」調製顏色「Aaron color tone」成為城城嘅專屬顏色。

再加埋城城之前買嘅「幽靈之子」跑車、Audi R8 GT Spyder、波子、其他型號嘅法拉利同林保堅尼跑車,城城個車房,分分鐘有過億玩具。

至於余文樂另一老友沈嘉偉,同樣愛車如命,除咗同樣擁有多架林寶堅尼同法拉利,近排沈老闆就轉轉口味,成日去專賣二手classic款古董跑車嘅車行打躉!

架架車都有來頭,難怪幾兄弟去親打邊爐, 門口都十足名車展咁啦!

相關新聞:由寶馬揸到林寶堅尼余文樂辣車大檢閱

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載