› 選擇地區
三藩市
紐約
洛杉磯
其他美國地區
香港 台灣 北美
 
2016年11月19日

曾任《蘋果》追蹤組記者
甘比最愛問人IQ題

甘比喺慈雲山保良局第一張永慶中學預科畢業後,1998年加入《蘋果日報》任職娛樂追蹤組記者,有舊同事憶述,初出茅廬嘅甘比第一日返工見位就坐,竟然坐錯咗同事嘅座位。之後,甘比被調去電影版負責採訪電影演員,由於佢跟星好貼好勤力,加上外表惹人憐愛,又鍾意問人IQ題:「嘻嘻嘻!畀啲嘢你估吓!」、「嘻嘻嘻!講個笑話你聽!」,其中最為人津津樂道的IQ題包括「跌咗身分證你會點?」一般人都會答「報失」,但其實標準答案是「咪執返囉」。亦試過問人:「劉關張3個人睇戲,得一張戲飛,點解關公有得睇」,當大家百思不得其解時,甘比會很得戚開估「張飛劉備(留畀)關羽囉」,之後發出招牌笑聲。唔少藝人都當佢係小妹妹,對佢完全冇戒心,甚至願意同佢傾心事,因為甘比把口好密,雖然做娛樂記者,但會幫藝人朋友保守秘密,所以,當年已貴為影帝嘅周星馳,對甘比都特別好。私底下嘅星爺平時高高在上,對住記者表現好cool,但佢對甘比就另眼相看,當年星爺攞影帝後舉行私人派對慶祝,甘比都獲御准入場採訪。

相關新聞:呂麗君發聲明:大劉是家庭支柱

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載