› 選擇地區
三藩市
紐約
洛杉磯
其他美國地區
香港 台灣 北美
 
2016年11月19日

大劉託甘比
赴巴黎救神童羅兆輝

當年喺《蘋果》做記者嘅甘比,因為採訪關係認識大劉最愛錫嘅地產神童羅兆輝,羅兆輝同大劉、星爺都熟,就係靠呢個蜘蛛網關係,甘比試過同佢哋同枱食飯。

2000年12月21日,坐擁十億身家的神童輝在其豪華遊艇上燒炭自殺獲救送院,大劉親往探望。2002年3月,臉上長了巨型毒瘡的羅兆輝大鬧巴黎,經歷一段癲狂歲月,又爆富豪秘聞、又主場邀記者到其下榻之酒店做深情專訪,其中一個獲邀的記者就是甘比。

當年甘比被派到巴黎追訪「神童」,據知甘比出發之前,大劉曾託她勸羅兆輝返香港。「神童輝」試過心血來潮打俾佢爆料,有時又會傾心事,就連坐緊火車前往意大利,都會打俾甘比傾偈。

當年的甘比貼身訪問羅兆輝,但亦不無感歎。她曾寫採訪手記說:「回想這段日子,關於羅兆輝的瘋狂報道,實在很多。但夜闌人靜,尤其當他在睡夢中扎醒時,他的思路反而很清晰。他在香港時,曾在半睡半醒間條理清晰地說:『我都唔知自己做乜,我好迷惘,好悶,想聽人講下嘢!』那一刻,我看到他的脆弱和感性的一面。但這個情況最多只維持一小時,接著他再度進入瘋狂狀態。

「我到達巴黎時,羅兆輝的瘋狂狀態可謂達至頂點。一班追訪他的記者都十分怕他,但因工作關係,大家都硬著頭皮接近他。有一天,羅兆輝在巴黎吃完血鴨時,在返酒店途中,拳打兩名記者,轉頭他又對著被他毆打的記者說:『我每識一個人,就會學識一樣嘢,我今次識到你,就學識以後唔打人。』

「有時我會覺得他不是傻,而是自己選擇何時清醒?何時發癲?看旁人如何招架。 正如羅兆輝經過倫敦和巴黎的瘋狂歐遊,前日終於返港,這是他的選擇,他知道玩夠了,是時候回來。 瘋狂的羅兆輝,其實亦非常孤獨,他曾對我說:『我孤獨咗四年,所以我對每個肯同我講嘢嘅人,我都會將所有嘢話畀佢聽,當佢係朋友,但點知佢哋原來個個都當我傻,挑釁我發癲!』」

大鬧巴黎、令追訪傳媒疲於奔命的羅兆輝,最後散盡家財。試過帶靚女去頂級食肆嘗血鴨,埋單三萬港元卻沒有錢,要寫下欠單。但最後甘比不負大劉所托,成功勸服羅兆輝返港。羅兆輝連買機票的錢都沒有,由甘比代出。

有傳經此一役,甘比與大劉感情更進一步,開始交往。2011年,一代梟雄羅兆輝,在東莞悄然離世。

相關新聞:呂麗君發聲明:大劉是家庭支柱

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載