› 選擇地區
三藩市
紐約
洛杉磯
其他美國地區
香港 台灣 北美
 
2016年11月24日

「逢星期一跟教練學跑」
Rosanne囝囝運動會獎牌健將

【爆相爆片】前組合2R成員黃婉君(Rosanne)09年嫁中英混血牙醫白恩庭後,專心相夫教子,育有5歲大仔白迅(Dylan)和3歲細仔白晨(Daniel)。日前一家四口到九龍仔公園參加親子運動會,讀者趙太透過「爆相爆片」分享,大讚Rosanne的兩個混血囝囝好靚仔,Rosanne一家好溫馨!

專遞水支援

趙太接受本報電話訪問:「嗰日朝早10點幾喺九龍仔公園,見到Rosanne同老公帶囝囝參加親子比賽,爸爸同細仔玩30米接力賽,兩個仔都好乖又靚仔,佢老公跑得好勁,一支箭飆咗去,Rosanne就冇落場玩,全程負責照顧,一時湊大仔一時湊細仔,又遞吓水畀佢哋飲,一家好溫馨。」趙太續說:「佢哋好似正常家庭咁,見到人望住冇閃閃縮縮,嗰日玩咗3個鐘,天氣都好熱,佢哋冇同其他家長傾偈,可能佢哋講英文關係。」
之後Rosanne接受本報電話訪問:「我嘅小朋友每逢星期一都跟教練學跑、學跳、擲豆袋,教練會通知我哋每年有乜嘢運動會參加,嗰日係我嘅3歲細仔第一次參加運動會,大仔就第二年參加,佢好積極㗎,參加咗20米、30米、60米,又同爹哋玩親子接力賽攞咗冠軍,其實每一項都有攞獎,第1至3名有獎盃,第4至6名有獎牌,成績都算唔錯啦,每項都有收穫。」

「長大唔學壞」

Rosanne知道有讀者讚其兒子又叻又靚仔,她說:「多謝讚佢哋,但見到佢哋就唔使講靚仔呀,嘻嘻!其實冇乜嘢叻,主要係想佢哋做運動,因為我同爸爸都係運動型,想佢哋朝住呢個方向,做運動嘅小朋友都比較健康啲,長大咗點都唔會學壞,唔會吸毒做呢啲嘢,盡量輔助佢哋去啱嘅軌道。」
採訪:皓騫

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載