› 選擇地區
三藩市
紐約
洛杉磯
其他美國地區
香港 台灣 北美
 
2016年11月24日

【馮仁昭四圍超】
吳宇森花宴煞科

河智苑喺吳宇森翻拍嘅《追捕》入面飾演女殺手。

導演吳宇森為紀念好友、已故殿堂級男星高倉健而翻拍嘅電影《追捕》,呢個星期正式煞科,呢幾日喺日本岡山縣嘅片場開工,冇受到近日地震影響。

齋藤工做綁匪

戲中日本男神福山雅治就做番當年高倉健嘅辣手神探角色,因為要趕喺大前日完成福山嘅戲份,導演同一班工作人員都日以繼夜咁趕戲,完成拍攝後導演仲送咗束花畀福山、河智苑等演員。
除福山之外,《追》片仲有唔少亞洲紅星演出,好似做國際律師嘅內地藝人張涵予,女主角係演劇集《奇皇后》爆紅嘅韓星河智苑,佢今次挑戰自己飾演女殺手。另外仲有竹中直人、倉田保昭、櫻庭奈奈美、國村隼、池內博之、岡本多緒同埋內地女演員戚薇等。據知,除首次公開有日本男星齋藤工同吉澤悠扮演嘅綁匪之外,聽聞劇組仲搵咗日本當紅女星綾瀨遙客串其中一角。
撰文:馮仁昭

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載