› 選擇地區
三藩市
紐約
洛杉磯
其他美國地區
香港 台灣 北美
 
2016年11月26日

冇着制服外套出慧妍活動
小冰淚控陳法蓉「好似慈禧咁喝人」

梁小冰昨日在大角嘴出席「東華三院慧妍雅集善膳軒命名典禮」,同場的一班前港姐都都穿上一式一樣的上衣連外套,惟獨小冰沒穿外套,更拒絕跟陳法蓉合照。小冰受訪時破口大罵陳法蓉見到她沒穿外套後,當面訓斥她,小冰強烈要求對方道歉。

要求道歉

小冰說:「我係直腸直肚,佢(陳法蓉)問我做乜唔着制服,咁我覺得熱,所以除咗件外套喺車,但佢就兜口兜面咁、不識大體訓斥我,一嚟到就話我,其實有乜事可以側面講,唔應該咁講。」她續說:「其實冇人話畀我聽要一set咁着,但佢都應該要好有禮貌咁講囉,就算幾熟嘅朋友都要保持禮貌,所以我就拒絕(合照),亦唔需要合照。」
之後小冰要求陳法蓉道歉:「當然要啦,私底下我會打番電話畀佢溝通,任何一個會員都要以禮相待,唔應該大庭廣眾咁去講。」她越講越勞氣:「你睇我㷫到,我係直腸直肚囉,好易俾撻着,亦都好易𠱁番,我唔可以硬㗎,要軟囉,錫我嘅朋友都清楚,其實唔可以咁倔咁直㗎嘛,冇可能做到朋友!」

退出慧妍

前任慧妍會長陳法蓉聽到小冰不滿被訓斥,只是哈哈兩聲:「喂,呢個係佢個人感受,我唔會否定嘅……我冇去訓斥任何人,亦冇咁嘅權去訓斥任何人。」對於被小冰指冇禮貌,她聞言一呆並苦笑:「嗱,OK,不如叫埋佢入嚟吖。」
事後小冰接受本報電話訪問時,聲淚俱下:「佢可以拉埋我一邊講,而唔係當眾鬧我。佢唔尊重我,又鬧我。我冇諗過佢好似慈禧太后咁喝人!佢之後仲話我,做乜搞到件事咁大!如果佢唔向我道歉、唔反省,我係唔會原諒佢!」梁小冰昨晚再在微博表示:「如果你毫無悔意,以後我唔會再出席慧妍雅集所有活動,亦退出唔做會員,因為我唔會俾任何無修養的人再一次傷害自己!」
採訪:羅慧敏
攝影:陳慧安

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載