› 選擇地區
三藩市
紐約
洛杉磯
其他美國地區
香港 台灣 北美
 
2016年12月04日

風騷讚蔡潔越嚟越靚
洗米華孖老婆敬酒

太陽娛樂老闆周焯華(洗米華)雖然已有正印老婆陳慧玲(Heidi)和女友Mandy Lieu,但仍不離風流本色,前晚他到將軍澳一酒店出席旗下公司聖誕派對時,恰巧蔡潔剛抵達,記者要求二人合照,洗米華即風騷說:「嘩!撞鬼咩你?乜你越嚟越靚㗎!」昨日問蔡潔男友王宗堯會否擔心感情有變化?他表示:「少少啦!最近我閉關,好少見到佢(蔡潔)喎!」

相關新聞:洗米華繼續全黑型佬Givenchy白星點題

帶女後門離開

前晚宴會太陽旗下藝人方力申、劉浩龍、許志安、曾國祥、薛凱琪(Fiona)、沈震軒等都有到場,但焦點卻是洗米華再次與老婆Heidi合體。雖然洗米嫂要求離婚,但洗米華和家人仍在挽救這段婚姻,連太陽集團的董事都希望二人和好,所以經常製造機會給他們同場。據悉前晚洗米嫂比洗米華先到場,兩人被安排同坐主家席,現場人士爆料指他們表面看來完全不像婚姻出現問題,有講有笑,洗米華經常主動貼近老婆身邊聊天,而洗米嫂不時面露笑容,洗米華更主動邀請老婆一齊向賓客敬酒,難道洗米嫂態度軟化了?
現場還有一個特別現象,一般這類有藝人在場的派對,出席的員工及家屬多會找藝人合照,但這晚反而甚多人向洗米華兩夫婦集郵。這位靚太之後先帶兩個女兒從後門離開,稍後又在Instagram上載派對相片。洗米華離開時被問到聖誕打算在那裏度過,他笑笑答:「咦……呢啲嘢點可以話得你知㗎!」
另外,Fiona受訪時提到近日圈中喜事多,就話替大家高興,但她誠心告誡一班姊妹:「千祈唔好因為去得朋友嘅婚宴多,思維其實要清晰啲,唔好一味得個恨,唔好覺得人有你又有,人要你又要咁。」
採訪:卓寶花
攝影:孔子、吳耀輝

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載