› 選擇地區
三藩市
紐約
洛杉磯
其他美國地區
香港 台灣 北美
 
2016年12月05日

摩天輪下蹺手談情 祥仔毛姐109歲之吻再現銀幕?

大家仲記得嘛,喺不久之前,無綫為觀眾上映咗一幕世紀之吻,唔係因為經典,而係因為咀嗰兩個人加埋有109歲,講緊嘅係52歲黎耀祥同57歲毛舜筠喇!但呢個世紀之吻好可能唔會再有得睇,因為《愛.回家之八時入席》將會喺明年1月散席,呢個月中煞科。

雖然早前有傳毛舜筠同劇組唔係太配合,結果喺無癮嘅情況下,向曾勵珍請辭,唔肯續約添食!不過話晒係專業嘅演員,又點會俾呢啲嘢影響工作,爛尾收場?

而喺大前晚9點左右,一班演員就去到中環摩天輪拍戲,拍攝一場好浪漫嘅聖誕節戲,主角當然就係世紀情侶黎耀祥同毛舜筠啦,佢兩個主角拍談情拍拖戲,兩個喺浪漫氣氛下,邊行邊傾,當大家都好期待109歲嘅世紀之吻,哎,再一次失望喇,因為呢場戲佢哋兩個冇鍚,真係浪漫變浪費。

話晒摩天輪係一個景點,當然有唔少人去現場遊覽喇,再加上有明星喺度拍戲,所以現場吸引咗唔少人圍觀,劇組方面都有晒安排,出動吊臂喺高空拍攝,唯一最大嘅問題,係現場太近海邊,時不時吹起大風,吹到啲演員啲頭髮亂鬼晒,不過大家都冇理,繼續爭取時間埋位拍攝。著晒聖誕衫嘅湯盈盈,唔駛埋位見嗰陣,好嘆咁坐喺度食嘢,唔知真係以為佢開緊party!

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載