› 選擇地區
三藩市
紐約
洛杉磯
其他美國地區
香港 台灣 北美
 
2016年12月08日

李華月失蹤多年
麥家琪做幸福人妻

每個年代都有當時嘅艷星,而喺八、九十年代香港電影最輝煌嘅時間,出產過唔少女星!過咗成二、三十年,當年嘅女神o依家又做緊咩呢?

吳家麗
1981年喺藝訓班畢業入行,現年53歲嘅吳家麗80年代尾轉戰電影圈,拍過《赤裸羔羊》、《玉蒲團》等等都有性感演出。而佢喺千禧年短暫息影,直至2010年復出拍《出軌的女人》,去年仲轉型做埋導演o添!

李華月
90年加入娛圈,多年嚟三級片主力拍三級片,有「三級片女王」之稱,經典作品有《血戀》、《滿清禁宮秘史》、《虐之戀》、《八仙飯店之人肉叉燒包》等等,其中《血戀》由李華月自編自導自演,而喺96年自資推出首張唱片《攪攪震》及推出電影《血戀II》,不過票房慘淡,李華月其後淡出香港演藝圈。而今年年屆60嘅李華月喺2013年畀《蘋果》發現失蹤多年嘅佢喺中環蘭桂坊現身。

翁虹
89年當選亞姐冠軍入行,90年代初轉拍三級片,《擋不住的瘋情》為其第一套三級片,其後的《青樓十二房》、《滿清十大酷刑》、《慈禧秘密生活》等等,深受觀眾歡迎。近年翁虹主力喺大陸發展。佢喺2003年曾經結過婚,兩年後離婚;之後喺2007年再婚,同年仲生埋囡囡。

麥家琪
1993年參選港姐加入大台,及後爆出佢未成年時曾拍裸照事件。入行拍過唔少電視劇同電影,90年代尾開始拍攝唔少艷情片,當中包括《聊齋艷譚》、《偷窺無罪》、《強姦5之廣告誘惑》,不過最廣為人知嘅作品係《偷窺無罪》。喺2006年同大律師王國豪結婚淡出娛圈,仲誕下兩仔一女,而近年仲有復出拍攝電影。

相關新聞:林雅詩帶仔見爹哋

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2020 AD Internet Limited. All rights reserved. 版權所有 不得轉載